ព័ត៌មានជាតិ
លោក ព្រាប កុល ទទួលជួបក្រុមហ៊ុនបរទេសដែលស្វែងរកឱកាសវិនិយោគនៅកម្ពុជា
នៅរសៀលថ្ងៃទី១២ ខែមិថុនា ឆ្នាំ២០២៣នេះ លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី បានទទួលជួបជាមួយប្រតិភូនៃក្រុមហ៊ុនបរទេសចំនួនពីរ គឺក្រុមហ៊ុន Shanxi Construction Engineering Group Corporation Limited និងក្រុមហ៊ុន Glory Energy Storage Tech។
ក្នុងឱកាសនោះ លោក ព្រាប កុល បានពាំនាំនូវការស្វាគមន៍យ៉ាងកក់ក្តៅពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃ កម្ពុជាជូនចំពោះគណៈប្រតិភូនៃក្រុមហ៊ុនបរទេសទាំងពីរ ដែលបានមកសិក្សាពីឱកាសវិនិយោគនៅកម្ពុជា។
ក្រោយពីគណៈប្រតិភូក្រុមហ៊ុន បានណែនាំអំពីក្រុមហ៊ុនរបស់ខ្លួន និងបង្ហាញអំពីគោលបំណងនៃការសិក្សាអំពីឱកាសវិនិយោគនៅកម្ពុជារួចមក លោក ព្រាប កុល បានផ្តល់ការណែនាំអំពីសក្កានុពលរបស់កម្ពុជាសម្រាប់ការវិនិយោគលើច្រើនវិស័យរួមមាន តំបន់សេដ្ឋកិច្ចពិសេស រោងចក្រ សហគ្រាស កសិ-ឧស្សាហកម្ម ហេដ្ឋារចនាសម្ពន័្ធ និងវិស័យថាមពល។
លោករដ្ឋមន្ត្រី បានបន្តថា ព្រមជាមួយគ្នានេះ សហគ្រាស និងក្រុមហ៊ុនបរទេសទទួលបានពីការវិនិយោគនៅកម្ពុជា នឹងទទួលបានអត្ថប្រយោជន៍ផ្សេងៗជាច្រើន តាមរយ:គោលនយោបាយលើកទឹកចិត្តរបស់រាជរដ្ឋាភិបាលកម្ពុជា ជាពិសេស កត្តាអំណោយផល និងបរិយាកាសល្អសម្រាប់ការធ្វើពាណិជ្ចកម្ម ដោយសារកម្ពុជាធានាបាននូវស្ថិរភាពនយោបាយ មានហេដ្ឋារចនាសម្ពន័្ធសមរម្យ និងមានគុណសម្បត្តិផ្សេងៗជាច្រើនទៀត។
ជាការឆ្លើយតប គណៈប្រតិភូនៃក្រុមហ៊ុនបរទេសទាំងពីរ បានកោតសរសើរដល់កម្ពុជា ដែលបានប្រឹងប្រែងកសាង និងអភិវឌ្ឍន៍ប្រទេសមានភាពរីកចម្រើនលើគ្រប់វិស័យ ជាពិសេស កម្ពុជាបានធានានូវបរិយាកាសអំណោយផលសម្រាប់ការធ្វើពាណិជ្ជកម្ម។ ទន្ទឹមនេះ គណៈប្រតិភូនៃក្រុមហ៊ុនបរទេស បានថ្លែងអំណគុណចំពោះសម្តេចតេជោ ហ៊ុន សែន ដែលតែងតែស្វាគមន៍ និងលើកទឹកចិត្តដល់អ្នកវិនិយោគបរទេស ក៏ដូចជាអរគុណដល់លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកលើកិច្ចការវិនិយោគបរទេស ទំនាក់ទំនងអន្តរជាតិ និងកំណែទម្រង់អភិបាលកិច្ច ដែលបានផ្តល់កិត្តិយស និងឱកាសសម្រាប់ការជួបពិភាក្សាដោយផ្ទាល់នៅថ្ងៃនេះ។
តាមរយៈជំនួបនេះ ក្រុមហ៊ុនបរទេសទាំងពីរ សង្ឃឹមថា លោក ព្រាប កុល នឹងបន្តជួយគាំទ្រនិងសហការជាមួយក្រុមហ៊ុន ក្នុងការសិក្សាពីឱកាសវិនិយោគនៅកម្ពុជារហូតដល់ក្រុមហ៊ុនអាចបោះទុនវិនិយោគដ៏ធំនៅពេលខាងមុខ ដើម្បីចូលរួមចំណែកជួយដល់កំណើនសេដ្ឋកិច្ចនៅកម្ពុជា និងបង្កើតការងារជូនដល់ប្រជាពលរដ្ឋខ្មែរបន្ថែមទៀត៕
ដោយ៖ ធឿន វ៉ាន់សុង
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ