Treat Williams បាត់បង់ជីវិតនៅវ័យ ៧១ ឆ្នាំ ដោយសារគ្រោះថ្នាក់ចរាចរណ៍

តារាសម្ដែងអាមេរិក Treat Williams ជួបគ្រោះថ្នាក់ចរាចរណ៍ កាលពីថ្ងៃច័ន្ទ ទី១២ ខែឧសភា ឆ្នាំ ២០២៣ នៅ Dorset រដ្ឋ Vermont បើយោងតាមសេចក្ដីរាយការណ៍របស់ទស្សនាវដ្ដី People ។

លោក Barry McPherson ប្រាប់ទស្សនាវដ្ដី People ថា “ Treat Williams ស្លាប់កាលពីថ្ងៃត្រង់ មានឡានបុកគាត់ពេលបត់ម៉ូតូ ។ ខ្ញុំតក់ស្លុតណាស់ គាត់ជាបុរសល្អម្នាក់ និងមានទេពកោសល្យទៀតផង” ។

និយាយពីការងារលោក Treat វិញ គាត់បានចេញមុខក្នុងរឿងភាគ “Blue Bloods” រឿង “Everwood” ជិត ១០០ ភាគ ដែលលោកដើរតួជា Dr. Andrew Brown និងសម្ដែងជា Berger ក្នុងរឿង “Hair” ប្រចាំឆ្នាំ ១៩៧៩ ។

តារាសម្ដែងអាមេរិកវ័យ ៧១ ឆ្នាំរូបនេះ ធ្លាប់ឈ្នះពានរង្វាន់ Golden Globe ដល់ទៅ ៣ ដង ដោយសារការសម្ដែងរឿង “Hair, Prince of the City, និង A Streetcar Named Desire” មិនតែប៉ុណ្ណោះលោកក៏ឈ្នះពានរង្វាន់ Emmy សម្រាប់ការងារក្នុងរឿង “The Late Shift” ឆ្នាំ ១៩៩៦ ដូចគ្នា ។

ចំណែកក្នុងគ្រួសាររបស់ Treat លោកមានភរិយាឈ្មោះ Pam Van Sant និងកូនប្រុសស្រី ២ នាក់ឈ្មោះ Gill និង Elinor ដែលធំពេញវ័យអស់ មិននៅជាបន្ទុកសម្រាប់អ្នកស្រី Pam ឡើយ ៕

ប្រែសម្រួល ៖ វារី

ប្រភព ៖ TMZ

ចុចអាន ៖ Ray Stevenson តារាសម្ដែងក្នុងរឿង Thor និង Star Wars ទទួលមរណភាពនៅអាយុ ៥៨ ឆ្នាំ