ជិះម៉ូតូឌុបគ្នាបង្ហោះជ្រុលទៅបុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់៤នាក់

ករណីគ្រោះថ្នាក់ចរាចរណ៍បានកើតឡើងរវាងម៉ូតូ និងម៉ូតូណ្ដាលអោយស្លាប់មនុស្សម្នាក់ និងរបួសចំនួន០៤នាក់។
ហេតុការណ៍នេះកើតឡើងនៅវេលាម៉ោង២២និង៤៥នាទី យប់ថ្ងៃទី១៣ ខែមិថុនា ឆ្នាំ២០២៣ នៅចំនុចផ្លូវកែង​វិទ្យាលយ័បឹងកុក ភូមិបឹងកុកទី១ សង្កាត់បឹងកុក ក្រុងកំពង់ចាម ខេត្តកំពង់ចាម បណ្ដាលអោយមានរបួសធ្ងន់ស្រាលសរុប៤នាក់ និងស្លាប់ម្នាក់ពេលបញ្ជូនដល់មន្ទីរពេទ្យ។

តាមប្រភពពីកន្លែងកើតហេតុបានអោយដឹងថា មុនពេលកើតហេតុគេឃើញមានម៉ូតូមួយគ្រឿងម៉ាកសង់១២៥ ជិះមានគ្នាចំនួន០៣នាក់ពីលិចទៅកើតដោយល្បឿនលឿនថែមទាំងបង្ហោះទៀតផង លុះដល់កន្លែងកើតហេតុ មានម៉ូតូមួយគ្រឿងទៀតម៉ាកស្កុបពី មានគ្នា០២នាក់ ជិះពីជើងមកត្បូងដល់ត្រង់កន្លែងផ្លូវកែងរដ្ឋករទឹកក៏បានបុកគ្នាយ៉ាងពេញទំហឹងបណ្ដាលអោយមានរបួសធ្ងន់ស្រាល និងស្លាប់។

ករណីនេះក្រោយកើតហេតុបណ្ដាលអោយមានរបួសធ្ងន់ស្រាលសរុប០៤នាក់ និងស្លាប់ម្នាក់ពេលបញ្ជូនដល់មន្ទីរពេទ្យ។ ចំណែកម៉ូតូរងខូចខាតធ្ងន់ធ្ងរ។ ក្រោយកើតហេតុសមត្តកិច្ចបានចុះវាស់វែង និងបញ្ជូនអ្នករបួសទៅកាន់មន្ទីរពេទ្យដើម្បីសង្គ្រោះបន្ទាន់ដែរ៕

អត្ថបទ៖ ឡេក ចាន់ពេជ្រ