Boy Pakorn បង្ហើបថ្ងៃចូលរោងជ័យ ក្រោយពេល Nadech សុំ Yaya រៀបការ

ក្រោយឃើញ Nadech សុំ Yaya រៀបការយ៉ាងរ៉ូមែនទិក ទស្សនិកជននាំគ្នាជជីកសួរតារាសម្ដែង Boy Pakorn អំពីគម្រោងចូលរោងជ័យរបស់លោក ខណៈតារាប្រុសរូបនេះ និងគូស្នេហ៍បានទាក់ទងគ្នាជិតពីរឆ្នាំមកហើយ។

មិនបង្អង់យូរ Boy Pakorn បានប្រាប់អារម្មណ៍ពិតនៅក្នុងសន្និសីទសារព័ត៌មានមួយ ដោយឥតលាក់លៀមថា ខ្លួនបានត្រៀមខ្លួនគ្រប់ពេល តែលោកចង់ទុកសិទ្ធិឱ្យ Faye ជាអ្នកសម្រេចវិញ។ ទោះជាទាក់ទងគ្នាជាងមួយឆ្នាំមកក្ដី ប៉ុន្តែលោកមិនចង់បង្ខំមិត្តស្រីនោះទេ។

ទោះបីជាមិនទាន់សម្រេចរៀបការក្នុងពេលឆាប់ៗនេះ ​បច្ចុប្បន្ន Boy Pakorn និងមិត្តស្រីនៅតែផ្អែមល្ហែមដូចគ្រាដើម ពុំមានបញ្ហាចម្រូងចម្រាសអ្វីជាមួយគ្នាឡើយ ហើយចាស់ទុំទាំងសងខាងក៏បានដឹងឮអស់ហើយ ចំណែកលោកនិងគ្រួសារខាងស្រីក៏ត្រូវរ៉ូវគ្នាផងដែរ។ ជាមួយគ្នាដែរ តារាវ័យ ៣៨ឆ្នាំរូបនេះ បង្ហើបថា លោកគ្រោងនឹងចូលរោងការ នៅអាយុ ៤០ឆ្នាំ៕

ប្រែសម្រួល៖ សន្យា

ចុចអាន៖ Mark-Kim បញ្ចេញរូប Pre-Wedding ៦សន្លឹក មុនចូលរោងការ ៣ខែទៀត

ចុចអាន៖ គ្រាន់តែចូលរួមអាហារពេលល្ងាចសោះ Aum ស្លៀករ៉ូបតម្លៃរាប់ពាន់ដុល្លារ