ជីវិតកម្សាន្ដ

តួម្ដាយរឿង “កំហឹងព្រះនាង” ទទួលពានសម្ដែងឆ្នើម តែមហាជនចាប់អារម្មណ៍លើការស្លៀកពាក់

បានផុស

២ years មុន

នៅ

ថ្ងៃព្រហស្បតិ៍ ១៥ មិថុនា ២០២៣

ដោយ

អាយុគ្រាន់តែជាតួលេខប៉ុណ្ណោះ នេះគឺជារឿងពិតរបស់តារាសម្ដែងស្រីជើងចាស់ Tai Penpak Sirikul បន្ទាប់ពីគាត់បង្ហាញខ្លួនទទួលពានរង្វានឆ្នើម ហើយក៏ធ្វើឲ្យមហាជនចាប់អារម្មណ៍យ៉ាងខ្លាំងលើឈុតនិងការតុបតែងមុខពិតជាស្រស់ស្អាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាថាឈានដល់វ័យ៦២ឆ្នាំក្ដី ប៉ុន្តែតួម្ដាយក្នុងរឿង “កំហឹងព្រះនាង” នៅតែមានរាងកាយរឹងមាំមិនប្រែប្រួល ជាពិសេស ឲ្យតែពេលបង្ហាញខ្លួនម្ដងៗ ទស្សនិកជនតែងកោតសរសើរពីសម្រស់មិនចេះចាស់ និងស្ទាយស្លៀកពាក់បែបយុវវ័យរបស់នាងគាត់ថាប្លែកខុសគេមករហូត។

ដោយឡែកកាលពីពេលថ្មីៗនេះ តារាសម្ដែង Tai Penpak បានធ្វើឲ្យមនុស្សជាច្រើនមានភ្ញាក់ផ្អើលយ៉ាងខ្លាំងម្ដងទៀត បន្ទាប់ពីគាត់បង្ហាញខ្លួនទទួលទានពានពីកម្មវិធីពានរង្វាន់ទូរទស្សន៍មាសលើកទី៣៧ ក្នុងនាមជាតារាសម្ដែងឆ្នើមក្នុងរឿង ”You are my Heartbeat” ដែលមានការចូលរួមសម្ដែងដោយ Mai Davika និង Push Puttichai Kasetsin។

នៅក្នុងព្រឹត្តិការណ៍នេះដែរ នាងបានបង្ហាញខ្លួនជាមួយនឹងរូបរាងដ៏ស្រស់ស្អាត ឡូយឆាយ ម៉ូដសក់ខ្លីពណ៌ផ្សែងបារី អមនឹងឈុតពណ៌ខ្មៅបង្ហាញភាពជឿជាក់ខ្លាំងដូចកាលនៅវ័យ២៥ឆ្នាំយ៉ាងដូច្នោះ។ យ៉ាងណាមិញមិនចរង់ចាំយូរទស្សនិកជនច្រើនសម្រុកចូលទៅអបអរដល់តារាសម្ដែងឆ្នើមរូបនេះ ហើយក្នុងនោះម្នាក់ៗបានស្នើសុំវិធីថែរក្សាសម្រស់របស់គាត់ថែមទៀតផង៕