Charlie Puth និពន្ធបទចម្រៀងអាល់ប៊ុមចុងក្រោយ ពេលកំពុងរួមភេទ

ទស្សនាវដ្ដី Interview Magazine បានចុះផ្សាយកាលពីពេលថ្មីៗនេះអំពីកិច្ចសម្ភាសន៍ជាមួយតារាចម្រៀងប៉ុប Charlie Puth ជាពិសេសបានលាតត្រដាងពីរឿងរ៉ាវនៅពីក្រោយការតែងនិពន្ធបទចម្រៀងរបស់តារារូបនេះ ។

ក្នុងបទសម្ភាសន៍នោះ តារាចម្រៀងប្រុសរូបនេះបានសារភាពថា បទចម្រៀង “Marks on Your Neck” ដែលត្រូវបានបញ្ចូលក្នុងអាល់ប៊ុមចុងក្រោយបង្អស់ “Charlie” ត្រូវបានតែងនិពន្ធឡើង អំឡុងពេលលោករួមភេទបានពាក់កណ្ដាលទី ។

Charlie Puth បានលាតត្រដាងទៀតថា “ខ្ញុំសរសេរបទចម្រៀងមួយនេះ នៅក្នុងអំឡុងពេលរួមភេទប៉ុន្តែនៅពេលនោះ បទភ្លេងហាក់ដូចជាចាក់ចូលក្នុងក្បាលរបស់ខ្ញុំ ហើយខ្ញុំបានឈប់រួមភេទ និងថតសំឡេងច្រៀងក្នុងបទមួយនេះតែម្ដង” ។

Charlie Puth បានបន្តទៀតថា “លោកធ្វើបែបនេះដើម្បីកំណត់សំឡេងច្រៀងរបស់លោក ហើយបន្ទាប់មកលោកក៏បន្តសកម្មភាពរួមភេទវិញ បន្ថែមពីលើនោះលោកបានអរគុណចំពោះបទពិសោធន៍មួយនេះ ក្នុងការជួយពន្លឿនលោកក្នុងការបញ្ចប់និពន្ធបទចម្រៀងពីអាល់ប៊ុមចុងក្រោយរបស់លោក” ។

គួរបញ្ជាក់ថា នេះមិនមែនជារឿងចម្លែកនោះទេចំពោះ Charlie Puth ពោលកាលពីពេលថ្មីៗ តារាចម្រៀងរូបនេះក៏បានធ្វើឲ្យអ្នកគាំទ្រមានការភ្ញាក់ផ្អើលផងដែរ ដោយលោកបាននិយាយតាមទូរស័ព្ទជាមួយកាសែត New York Post ថា “លោកចូលចិត្តស្រាត” ហើយជារឿយៗលោកតែងតែស្រាតសម្រាកនៅសួនច្បារក្រោយផ្ទះរបស់លោកថែមទៀតផង ៕

ប្រែសម្រួល ៖ នាងតូច

ចុចអាន៖គ្រាន់តែ V ប្ដូរពណ៌សក់ថ្មី ហ្វេនលើកគ្នាមកជជែកពេញបណ្ដាញសង្គម