Connect with us

ព័ត៌មានជាតិ

ប្រមុខ​រដ្ឋាភិបាល​រំលឹក​​ អនុ​ប្រធាន​សភា​ម្នាក់ និង​រដ្ឋលេខាធិការ​ម្នាក់​ស្លាប់​ដោយសារជំងឺ​​កូវីដ

បានផុស

នៅ

ថ្លែង​នៅ​ក្នុង​ពិធី​ជួបជុំ​សំណេះសំណាលជាមួយកម្មករនិយោជិតប្រមាណ​ ១៨ ០១២នាក់ មកពីរោង​ចក្រសហគ្រាសចំនួន ៧ នៅ​ក្នុង​ស្រុកសំរោងទង និងស្រុក​គងពិសីនៃ​ខេត្តកំពង់​ស្ពឺនៅព្រឹកនេះ សម្តេចតេជោ ហ៊ុន សែន នាយករដ្ឋមន្ត្រី​បន្ត​អំពាវនាវ​ដល់ប្រជាពលរដ្ឋ​បន្ត​ការការពារពីការ​ឆ្លង​ជំងឺ​កូវីដ ១៩ និង​ទៅទទួល​ការ​ចាក់វ៉ាក់សាំងបង្ការ​បន្ថែម​ឲ្យបាន​គ្រប់គ្នា។ ខណៈជំងឺ​កូវីដ​មិន​ទាន់​រលត់​បាត់​ សម្តេច​តេជោ​ក៏​បាន​រំលឹក​ការ​រងគ្រោះ​របស់ពលរដ្ឋ​រាប់ពាន់នាក់​ពី​ការ​ឆ្លង​ជំងឺ​កូវីដ ១៩ ក្នុង​នោះ​ថ្នាក់​ដឹកនាំកម្ពុជា​​ពីរ​នាក់​ក៏​បាន​រងគ្រោះ​បាត់បង់​ជីវិតផង​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច​តេជោ​បញ្ជាក់ថា «ថ្នាក់​ដឹកនាំ​យើង​ពីរ​នាក់​បាន​បាត់បង់​ជីវិត​ក្នុង​នោះ​មាន​លោក ងួន ញិល អនុ​ប្រធាន​រដ្ឋសភា និង​លោក ម៉ៅ អាយុទ្ធ រដ្ឋលេខាធិការ​ក្រសួង​ព័ត៌មាន»។

ប្រមុខ​រដ្ឋាភិបាល​បន្ត​អំពាវនាវ​ដល់​កម្មករ​កម្មការិនី និង​ពលរដ្ឋ​​បន្ត​ការ​យក​ចិត្តទុកដាក់បង្ការ​ការ​ឆ្លង​កូវីដ ១៩ និង​ទៅទទួល​ការ​ចាក់​វ៉ាកសាំង​បង្ការ​។ សម្តេច​បញ្ជាក់​ថា ជំងឺ​ដ៏​កាច​សហាវ​នេះ​មិន​រើស​អើង​អ្នក​មាន​អ្នក​ក្រ ពលរដ្ឋ​និង​ថ្នាក់​ដឹកនាំ​អាច​ឆ្លង​បើ​មាន​ការ​ធ្វេស​ប្រហែស។

សម្តេចតេជោបានអះអាង​ថា សម្តេ​ច​ក៏ធ្លាប់​ឆ្លង​កូវីដ ១៩ ហើយ​សម្តេច​មើល​ឃើញ​ពី​ប្រសិទ្ធភាព​នៃ​វ៉ាក់សាំង​ដែល​បាន​ការពារ​អាយុជីវិត​របស់​ពលរដ្ឋ​ រហូត​​មាន​ឱកាស​ជួបជុំគ្នា​ឡើង​វិញ។ បើ​តាម​ប្រមុខ​រដ្ឋាភិបាល​ត្រឹម​រយៈ​ពេល​ខ្លីនៃ​ការ​ផ្ទុះ​ជំងឺ​កូវីដ ១៩ កម្ពុជា​ក៏​មាន​ពលរដ្ឋ​ជាង ៣ ពាន់​នាក់​បាន​រងគ្រោះ​បាត់បង់​ជីវិត​ដោយ​សារ​មេរោគ​ដ៏​កាច​សាហាវ​នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ ម៉ោង មុន

អង់គ្លេស ថែម​ប្រាក់​កម្ចី​ឲ្យ​អ៊ុយក្រែន ជិត​៣​ពាន់​លាន​ដុល្លារ សម្រាប់​ផលិតកម្ម​អាវុធ

សន្តិសុខសង្គម២ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

ព័ត៌មានជាតិ៧ ម៉ោង មុន

អ្នកឃ្លាំមើលសង្គម៖ពលរដ្ឋខ្មែរនៅ​កូរ៉េ ៩៩% មិនបា​នចូលរួមបាតុកម្ម និង​បន្តជឿជាក់​រាជរដ្ឋាភិបាល​លើ​បញ្ហា​ទឹក​ដី​

ព័ត៌មានជាតិ២៣ ម៉ោង មុន

ផ្លូវថ្មើរជើងរាត្រីនេះ មានល្ខោន​បាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម

ព័ត៌មានអន្ដរជាតិ៧ ម៉ោង មុន

ពូទីន ចុះហត្ថលេខាលើច្បាប់ការពារ​គ្នា​ទៅ​វិញ​ទៅ​មក​ជា​ផ្លូវការ​ជាមួយ​បេឡារុស

Sokha Hotels

ព័ត៌មានពេញនិយម