នាងតូចក្នុងរឿង “ឡៃឡាធីតាយក្ខ” បង្ហាញខ្លួនលើកម្រាលព្រំក្រហម អ្នកគាំទ្រចំណាំសឹងមិនស្គាល់

បន្ទាប់ពី​ក្លាយ​ជាខ្លួន​តារា​ស្រី​​ប្រចាំ​ប៉ុស្តិ៍​លេខ​១​​នាងតូច Nong Inter Rungrada បាន​តុបតែង​ខ្លួនដើរលើកម្រាលព្រំក្រហមរបស់តន្ត្រី​ Pisawat the Musical នៅមហោស្រព Muangthai Ratchadalai ស្របពេលដែលទស្សនិកជន​ជាច្រើនលាន់មាត់ថា​ចំណាំនាងសឹងតែមិនស្គាល់ផង។

តារាសម្ដែងវ័យ១១ ឆ្នាំ បានបង្ហោះរូបភាពខ្លួនឯង និង​សរសេរសារយ៉ាងវែងអន្លាយ​តាមរយៈ​គណនី​ផ្ទាល់ខ្លួន​ថា “តន្ត្រី Pisswat ខ្ញុំ​រីករាយ​ដែល​បាន​ជួប​តារា​សម្ដែង​គួរ​ឲ្យស្រឡាញ់​ទាំង​អស់​ និង​ជួប​លោកពូ San ចាងហ្វាង​ Pisswat លើ​កញ្ចក់​ទូរទស្សន៍។ ដូច​ជា​ត្រឡប់​ទៅ​សម្ដែង​រឿងម្ដងទៀត ហើយ​ការ​លេង​ឆាក​គឺ​ពិត​ជា​ល្អ​។ សូមអរគុណ ពុកម៉ែ បងប្អូន ក្រុមការងារ និងអ្នកគាំទ្រជាទីស្រលាញ់ទាំងអស់”។

​ភ្លាមៗនោះដែរ ​អ្នក​គាំទ្រ​ជា​ច្រើន​ដែលស្រលាញ់​ចូល​ចិត្ត​នាងតូច Nong Inter បានចូលមកបញ្ចេញមតិសរសើរ​សម្រស់​របស់នាងថា កាន់តែធំកាន់តែស្រស់ស្អាតប្លែក។ ហើយពេលតុបតែងខ្លួនបែបនេះ សម្រស់នាងលេចធ្លោខ្លាំងដូចមនុស្សស្រីពេញវ័យក្រមុំណាស់។

យ៉ាងណាមិញមកទល់សព្វថ្ងៃនេះតារាសម្ដែង Inter Rungrada​ បច្ចុប្បន្ន​កំពុង​សិក្សា​នៅសាលានូវឡើយទេ ខណៈនាង​តូច​នេះទទួលបានកេរ្តិ៍ឈ្មោះ​ល្បីល្បាញ​ខ្លាំង បន្ទាប់​ពី​​​នាងសម្ដែងក្នុងរឿង​ “ឡៃឡាធីតាយក្ខ” កាលពីឆ្នាំ២០១៩៕

ប្រែសម្រួល៖ សាង ស្រីល័ក្ខ

ចុចអាន៖តារាថៃ Janie បញ្ចេញឈុតប៊ីគីនីលើកនេះច្បាស់ៗពេក ដូចស្រាតននលគក