ជីវិតកម្សាន្ដ

ស្ថាប័នJack Pro International Model ប្រកាសដកតំណែង កក្កដា សោភ័ណ្ឌ ខណៈសាមីខ្លួនប្រតិកម្ម

បានផុស

១ year មុន

នៅ

ថ្ងៃអង្គារ ២០ មិថុនា ២០២៣

ដោយ

អ្នកគាំទ្រ និងនិយមតាមដានវិស័យបវរកញ្ញានៅកម្ពុជាមានការភ្ញាក់ផ្អើល ខណ:អន្ទិត កក្កដា សោភ័ណ្ឌ ដែលជាបេក្ខភាពក្នុងការប្រកួត Miss Fabulous Cambodia ត្រូវបានស្ថាប័ន Jack ProInternational Model ប្រកាសដកតំណែងពី Miss Fabulous Cambodiaជាផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការលើកឡើងរបស់ស្ថាប័ន Jack ProInternational Model បានឲ្យដឹងថា សូមធ្វេីការដកហូតតំណែងកញ្ញា កក្កដា សោភ័ណ្ឌ ចេញពីតំណែង Miss Fabulous Cambodia ជាផ្លូវការចាប់ពីម៉ោង៨និង៥៣ ថ្ងៃទី១៩ខែមិថុនា ឆ្នាំ២០២៣តទៅ។ ក្នុងនោះដែរខាងស្ថាប័នក៏បានបង្ហាញហេតុផលដែលនាំឲ្យការសម្រេចដកតំណែងបេក្ខភាពរូបនេះ។

ស្ថាប័នខាងលើបានបញ្ជាក់ថា មូលហេតុដែលស្ថាប័ន Jack ProInternational Model សម្រេចដកតំណែងកក្កដា សោភ័ណ្ឌ ដោយសារតែមិនអាចបំពេញ តាមគោលការណ៍របស់ក្រុមហ៊ុនបាន។ ក្រុមហ៊ុនក៏តម្រូវឲ្យ កក្កដា សោភ័ណ្ឌ ត្រូវប្រគល់ម្កុដពាន និងឈាងជូនមកខាងក្រុមហ៊ុនវិញផងដែរ។

បន្ទាប់ពីមានការប្រកាសដូចខាងលើនេះ ភ្លាមៗនោះ កក្កដា សោភ័ណ្ឌ បានប្រតិកម្មតបថា ខ្លួនជាអ្នកលាលែងតំណែងដោយខ្លួនឯង។ កក្កដា សោភ័ណ្ឌ បានបញ្ជាក់ថា នាងជា Miss Fabulous Cambodia2023 សុំលាតំណែងដោយសារ…មិនមែនដក សុំមានដៃចេះតែសរសេរ។ “និយាយឲ្យស្រួលវើយអញសុំលាឈប់ ឬក៏ដកតំណែងសរសេរឲ្យចំផង”៕

អត្ថបទ៖ ចាន់រ៉ា