ព័ត៌មានជាតិ
ពលរដ្ឋជាង ២០០ នាក់ ទទួលបានមួកសុវត្ថិភាព និងយល់ដឹងពីការផ្ដល់អាហារូបករណ៍សិស្សក្រីក្ររបស់ សម្ដេចតេជោ
ប្រជាពលរដ្ឋជាង ២០០ នាក់ នៅក្រុងខេមរភូមិន្ទ និងស្រុកស្រែអំបិល ទទួលបានមួកសុវត្ថិភាពម្នាក់មួយ និងជ្រួតជ្រាបពីការផ្ដល់អាហារូបករណ៍សម្រាប់សិស្ស-និស្សិតក្រីក្ររបស់ សម្ដេចតេជោ ហ៊ុន សែន នាយករដ្ឋមន្ត្រី។
សមាគមសិស្សនិស្សិត អ.ម.ត សាខាខេត្តកោះកុង សហការជាមួយអាជ្ញាធរសង្កាត់ដងទង់ ក្រុងខេមរភូមិន្ទ និងឃុំស្រែអំបិល ស្រុកស្រែអំបិល ជួបសំណេះសំណាលផ្ដល់ជាមួកសុវត្ថិភាព ពន្យល់ពីច្បាប់ចរាចរណ៍ផ្លូវគោក ជាពិសេសប្រាប់កម្មវិធីផ្ដល់អាហារូបករណ៍សម្រាប់សិស្ស-និស្សិតក្រីក្រដែលផ្ដល់ដោយ សម្ដេចតេជោ និងសម្ដេចកិត្តិព្រឹទ្ធបណ្ឌិត។
តំណាងប្រជាពលរដ្ឋនៅក្រុងខេមរភូមិន្ទ និងស្រុកស្រែអំបិល ថ្លែងអំណរអរគុណចំពោះការចែកមួកសុវត្ថិភាព បញ្ជ្រាបការយល់ដឹងបន្ថែមពីច្បាប់ចរាចរណ៍ ក៏ដូចជាកម្មវិធីផ្ដល់អាហារូបករណ៍ សម្ដេចតេជោ។
ពលរដ្ឋយល់ថា បញ្ហាគ្រោះថ្នាក់ចរាចរណ៍ជារឿងដែលសង្គមព្រួយបារម្ភ ចំពោះអ្នកបើកបរមិនគោរពច្បាប់ ហើយការចែកមួកសុវត្ថិភាពនេះដែរ ជាការពញ្ញាក់ស្មារតីមួយបន្ថែមទៀតដល់ពួកគាត់បានចូលរួមគោរពច្បាប់ទាំងអស់។ ដោយឡែកចំពោះការផ្ដល់អាហារូបករណ៍វិញ ពួកគាត់នឹងពិនិត្យលទ្ធភាពដើម្បីឲ្យកូនចៅបានចូលរៀនជាសិស្សអាហារូបករណ៍របស់ សម្ដេចតេជោ និងសម្ដេចកិត្តិព្រឹទ្ធបណ្ឌិត ខណៈមានជីវភាពមិនសូវធូរធារ។
មិនត្រឹមប៉ុណ្ណោះទេ ពួកគាត់ក៏គាំទ្រពេញទំហឹងអំពីគម្រោងរបស់រាជរដ្ឋាភិបាលធ្វើវិសោធនកម្មច្បាប់បោះឆ្នោត ដើម្បីកែទម្រង់សិទ្ធិក្នុងការឈរឈ្មោះឲ្យគេបោះឆ្នោត។ ព្រោះថា ការកែច្បាប់បែបនេះ ជាការពង្រឹង និងលើកកម្ពស់លទ្ធិប្រជាធិបតេយ្យនៅកម្ពុជាកាន់តែល្អប្រសើរប្រកបដោយការទទួលខុសត្រូវខ្ពស់ចំពោះប្រទេសជាតិ។
លោក ហាក់ ឡេង ប្រធានគ្រប់គ្រងសមាគមសិស្សនិស្សិត អ.ម.ត សាខាខេត្តកោះកុង នៅថ្ងៃទី ២០ ខែមិថុនា ឆ្នាំ ២០២៣ នេះ យល់ឃើញថា ពលរដ្ឋនៅខេត្តកោះកុង កាន់តែដឹងច្រើនពីសិទ្ធិរបស់ខ្លួនជាពលរដ្ឋ តាមរយៈការបំពេញកាតព្វកិច្ចទៅបោះឆ្នោតនៅថ្ងៃទី ២៣ ខែកក្កដា ខាងមុខ។
លោក ហាក់ ឡេង ក៏បន្តអំពាវនាវដល់ប្រជាពលរដ្ឋខ្មែរគ្រប់រូប អញ្ជើញទៅចូលរួមបោះឆ្នោត នៅថ្ងៃ ទី ២៣ ខែកក្កដា ឆ្នាំ ២០២៣ ដើម្បីប្រើសិទ្ធិបោះឆ្នោតដោយសេរី ត្រឹមត្រូវ និងយុត្តិធម៌ ក្នុងនាមជាសិទ្ធិពលរដ្ឋដែលមានចែងកំណត់ក្នុងច្បាប់ និងត្រូវចូលរួមអនុវត្តសិទ្ធិ និងករណីយកិច្ចដោយមានការទទួលខុសត្រូវខ្ពស់សម្រាប់ជាតិមាតុភូមិកម្ពុជា៕
អត្ថបទ ៖ សិរីវឌ្ឍនៈ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់