ព័ត៌មានអន្ដរជាតិ
អ្នកជំនាញ UN ថា អាស៊ាន គួរតែប្ដូរវិធីសាស្ត្រដោះស្រាយវិបត្តិនៅ មីយ៉ាន់ម៉ា
អ្នកជំនាញម្នាក់របស់អង្គការសហប្រជាតិ (UN) កំពុងជំរុញឲ្យប្រទេសអាស៊ានប្រើប្រាស់វិធីសាស្ត្រផ្សេងក្នុងការដោះស្រាយវិបត្តិនៅក្នុងប្រទេសមីយ៉ាន់ម៉ា ដោយសារតែដំណោះស្រាយបច្ចុប្បន្នមិនទទួលបានផ្លែផ្កាអ្វីឡើយ ។
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅប្រទេសមីយ៉ាន់ម៉ា លោក Tom Andrews បាននិយាយទៅកាន់អ្នកសារព័ត៌មាននៅទីក្រុងហ្សាកាតាកាលពីពេលថ្មីៗនេះថា “ស្ថានភាពសិទ្ធិមនុស្សនៅមីយ៉ាន់ម៉ាគឺធ្ងន់ធ្ងរ ហើយក៏កាន់តែអាក្រក់ទៅៗផងដែរ” ។
លោក Andrews បានចង្អុលទៅកាន់កិច្ចប្រជុំក្រៅផ្លូវការថ្នាក់រដ្ឋមន្ត្រីការបរទេសដែលរៀបចំដោយប្រទេសថៃក្នុងសប្តាហ៍នេះ ខណៈរដ្ឋមន្ត្រីដែលតែងតាំងដោយយោធាមីយ៉ាន់ម៉ា លោក Than Swe ក៏ត្រូវបានអញ្ជើញឲ្យចូលរួមផងដែរ ។
លោក Andrews បាននិយាយថា “វាអាចមានឥទ្ធិពលគ្រោះថ្នាក់ក្នុងការទទួលស្គាល់យោធាមីយ៉ាន់ម៉ាក្នុងលក្ខណៈស្របច្បាប់ណាមួយ ហើយវាដល់ពេលហើយដែលត្រូវស្វែងរក ឬពិចារណាអំពីវិធីផ្សេងទៀតដើម្បីដោះស្រាយបញ្ហាដែលកំពុងជាប់គាំងដ៏គ្រោះថ្នាក់នេះ” ។
គួរបញ្ជាក់ថា សមាជិកអាស៊ានបានឯកភាពលើកិច្ចព្រមព្រៀងជាឯកច្ឆន្ទ ៥ ចំណុចជាមួយយោធាមីយ៉ាន់ម៉ាកាលពី ២ ឆ្នាំមុន ។ វារួមបញ្ចូលទាំងការអំពាវនាវឲ្យបញ្ឈប់ជាបន្ទាន់ចំពោះការសម្លាប់ និងអំពើហិង្សាផ្សេងៗទៀតផងដែរ ប៉ុន្តែទោះជាយ៉ាងណា ផែនការសន្តិភាពនេះស្ទើរតែគ្មានការរីកចម្រើនទាល់តែសោះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៧ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ