ព័ត៌មានអន្ដរជាតិ

អ្នកដឹកនាំរឿងកប៉ាល់ Titanic ប្រាប់រយៈពេលដែលយាន Titan ផ្ទុះក្នុងសមុទ្រ

បានផុស

២ years មុន

នៅ

ថ្ងៃសៅរ៍ ២៤ មិថុនា ២០២៣

ដោយ

អ្នកដឹកនាំរឿងកប៉ាល់ Titanic លោក James Cameron ប្រាប់ឲ្យដឹងថា យានជ្រមុជទឹក Titan គឺត្រូវបានផ្ទុះក្នុងរយៈពេលតិចជាង ២៤ ម៉ោង ពោលវាត្រូវបានបំផ្លាញ ៤ ថ្ងៃ មុនពេលរកឃើញកម្ទេចកម្ទី បន្ទាប់ពីយាននេះបាត់បង់ការទាក់ទង ។

នៅក្នុងបទសម្ភាសន៍ជាមួយ Reuters កាលពីថ្ងៃសុក្រ ផលិតករភាពយន្តលោក James Cameron បាននិយាយថា បន្ទាប់ពីការរកឃើញសំលេងចេញពីកន្លែងរុករកយានក្នុងរយៈពេល ១ ថ្ងៃ ក្រោយការបាត់ខ្លួន លោកដឹងរួចទៅហើយពីអត្ថន័យរបស់វា ។

លោក Cameron បានលើកឡើងថា លោកធ្លាប់ឮសំឡេងរោទិ៍នៃបច្ចេកវិទ្យារបស់ក្រុមហ៊ុន OceanGate ហើយលោកបានផ្ញើសំឡេងរោទិ៍នេះតាមរយៈអ៊ីមែលទៅមនុស្សគ្រប់គ្នាដែលោកស្គាល់ ហើយបាននិយាយថា យើងបានបាត់បង់មិត្តមួយចំនួនហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដឹកនាំរឿង ដែលបានចុះទៅមើលខ្មោចកប៉ាល់ Titanic ចំនួន ៣៣ ដងរួចទៅហើយនោះ បានដាក់ការសង្ស័យរួចទៅហើយ នៅពេលដែលលោកដឹងថា ក្រុមហ៊ុន OceanGate កំពុងតែផលិតយានជ្រមុជទឹកក្នុងសមុទ្រទឹកជ្រៅ ដោយប្រើសរសៃកាបូន និងតួយានជាសារធាតុទីតានីញ៉ូម ដោយសារតែមិនត្រូវតាមស្ដង់ដារនោះទេ ។

ជាចុងក្រោយលោក Cameron បញ្ជាក់ថា មនុស្ស ៥ នាក់ដែលបានសម្លាប់ក្នុងសោកនាដកម្មនោះ គឺជាអ្នកស្លាប់នៅសមុទ្រទឹកជ្រៅដំបូងគេសម្រាប់ឧស្សាហកម្មមួយនេះ ខណៈលោកក៏បានកត់សម្គាល់ផងដែរពីភាពស្រដៀងគ្នារវាងយានជ្រមុជទឹក Titan និងកប៉ាល់ Titanic ថាសុទ្ធតែកើតឡើង ដោយសារតែមិនមានការយកចិត្តទុកដាក់លើបញ្ហាបច្ចេកទេស ៕