ព័ត៌មានអន្ដរជាតិ
កូនក្រមុំនៅ ចិន ត្រូវក្រុមមិត្តភ័ក្ដិកូនកំលោះព្រួតធ្វើបាបតាមអំពើចិត្ត ដោយគិតថាជាវប្បធម៌
ពិធីមង្គលការជាថ្ងៃដែលនារីជាច្រើនបានទន្ទឹងរង់ចាំ ហើយវាត្រូវបានចាត់ទុកថាជាថ្ងៃដ៏សំខាន់បំផុតមួយក្នុងជីវិត។ ប៉ុន្តែអាពាហ៍ពិពាហ៍របស់នារីមា្នក់នៅប្រទេសចិនដូចត្រូវគេយកមកជាន់ឈ្លី ដោយកូនកំលោះមិនអើពើនឹងអារម្មណ៍របស់នាងទាល់តែសោះ។
បើតាមរបាយការណ៍ដែលបានរកឃើញ ហេតុការណ៍នេះបានកើតឡើងកាលពីថ្ងៃទី ១៩ ខែមករា ឆ្នាំ ២០២៣ ក្នុងពិធីមង្គលការរបស់គូស្នេហ៍មួយគូដែលរៀបចំឡើងក្នុងខេត្ត Shandong ប្រទេសចិន ប៉ុន្តែថ្មីៗនេះវាបានវិលមកពិភពអនឡាញម្តងទៀត។ ក្នុងវីដេអូនោះមិត្តភ័ក្ដិរបស់កូនកំលោះជាច្រើនបានយាយីកូនក្រមុំ ដោយប្រើកម្លាំងខ្លាំងជាងនាង ហើយរុញនាងទៅដី។ បន្ទាប់មកគាត់បានជាន់លើកូកក្រមុំ ហើយអោបនាង សង្កត់ម្ដងហើយម្ដងទៀត ប៉ះរាងកាយរបស់នាងកាន់តែខ្លាំង ដោយមិនខ្វល់ពីអារម្មណ៍របស់ភាគីម្ខាងទៀតសូម្បីតែបន្តិចណាឡើយ។
ទោះយ៉ាងណា ក្រោយមកកូនក្រមុំព្យាយាមក្រោកឈរម្តងទៀតដោយការលំបាក។ មនុស្សមួយក្រុមនោះនៅតែបន្តលេងជាមួយនាងដដែលៗ។ ចំណែកក្បាលរបស់នាងត្រូវបានបាញ់ដោយពពុះពីទិសដៅជាច្រើន។ ក្នុងអំឡុងពេលនេះ មានបុរសជាច្រើនបានបន្តជេរ និងធ្វើបាបកូនក្រមុំ ហើយថែមទាំងបង្ខំនាងឲ្យឱនក្បាលចុះក្រោម ខណៈមនុស្សជុំវិញនៅតែមើលទិដ្ឋភាពនេះដោយទឹកមុខញញឹមរីករាយ គ្មាននរណាម្នាក់បញ្ឈប់ ឬធ្វើអន្តរាគមន៍នោះទេ។
យ៉ាងណាមិញ តាមរយៈឃ្លិបវីដេអូដែលបានផ្សព្វផ្សាយលើបណ្ដាញសង្គម គេអាចមើលឃើញថា អាពាហ៍ពិពាហ៍នេះពោរពេញទៅដោយការប្រមាថ ការបង្ខំ ការយាយី ភាពវឹកវរ និងរញ៉េរញ៉ៃ។ កូនក្រមុំត្រូវបានគេធ្វើបាបរហូតដល់មានសោកនាដកម្មក្នុងថ្ងៃធំរបស់នាង ដោយមិនមានដាននៃសុភមង្គលនិងភាពផ្អែមល្ហែមនៅក្នុងពិធីមង្គលការនោះទេ។ ម៉្យាងវិញទៀត អ្នកនិយមលេងអ៊ីនធឺណេត បានបញ្ចេញមតិលើរឿងនេះថា “វាគួរឲ្យខ្លាចណាស់”, “យើងត្រូវបញ្ឈប់វប្បធម៌និងទម្លាប់អាក្រក់នេះ”, “នេះមិនមែនជាល្បែងអាពាហ៍ពិពាហ៍ទេ វាសម្លុតនិងកេងប្រវ័ញ្ចស្ត្រី”, “កូនកំលោះទៅណា? តើគ្រួសារកូនកំលោះទៅណា? ប្រពន្ធខ្ញុំត្រូវអ្នកដទៃធ្វើបាបយ៉ាងនេះ”៕
ប្រែសម្រួល៖ សាង ស្រីល័ក្ខ
ចុចអាន៖ប្ដីប្រពន្ធមួយគូរស់នៅ ៤ ឆ្នាំ ទើបដឹងថាក្នុងផ្ទះខ្លួនឯងមានកំណប់រាប់លានដុល្លារ
ចុចអាន៖ស្ត្រីម្នាក់នៅ ថៃ ភ័យលួសព្រលឹង ក្រោយពស់វែកលូនចូលបន្ទប់ បម្រុងចឹកកូនទើបនឹងកើត
-
ព័ត៌មានអន្ដរជាតិ៦ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៣ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៣ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៣ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៦ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៤ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៥ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ