សន្តិសុខសង្គម

រថយន្តដឹកកម្មកររោងចក្រមួយគ្រឿងក្រឡាប់ បណ្ដាលឲ្យមនុស្សម្នាក់ស្លាប់ និង៤០នាក់រងរបួសធ្ងន់ស្រាល

បានផុស

២ years មុន

នៅ

ថ្ងៃអង្គារ ២៧ មិថុនា ២០២៣

ដោយ

កំពង់ឆ្នាំង ៖ នៅថ្ងៃទី២៧ ខែមិថុនា ឆ្នាំ២០២៣ វេលាម៉ោង៦និង២៥នាទី រថយន្តមួយគ្រឿងដឹកកម្មករកម្មការីនីរោចក្រចំនួន៤១នាក់ បើកបរពីត្បូងមកជើង លុះមកដល់ចំណុចកើតហេតុក៏បានគេចម៉ូតូមួយគ្រឿងដែលធ្វើដំណើរស្របទិសគ្នាក៏ក្រឡាប់តែម្ដង បណ្ដាលឲ្យមនុស្សម្នាក់បានស្លាប់ និង៤០នាក់ផ្សេងទៀតរងរបួសធ្ងន់ស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងនៅចំណុច មុខប៉ុស្តិ៍នគរបាលសែប ស្រុកកំពង់ត្រឡាច ខេត្តកំពង់ឆ្នាំង។ សមត្ថកិច្ចនគរបាលចរាចរខេត្តកំពង់ឆ្នាំងបានឱ្យដឹងថា មុនពេលកើតហេតុ មានរថយន្តដឹកកម្មករកម្មការីនីមួយគ្រឿងពណ៌ខៀវ ពាក់ស្លាកលេខ កំពង់ធំ៣A-0765 ដែលដឹកកម្មករកម្មការីនីប្រមាណជិត៥០នាក់បើកបរពីត្បូងមកជើង ពេលមកដល់ចំណុចមុខប៉ុស្តិ៍នគរបាលរដ្ឋបាលឃុំសែប ក៏បានគេចពីម៉ូតូដែលធ្វើដំណើរស្របទិសគ្នា ពាក់ផ្លាកលេខ កំពង់ឆ្នាំង1D-2290 ហើយបានជាន់ហ្វ្រាំងយ៉ាងខ្លាំងបណ្តាលឱ្យរថយន្តបោកក្រឡាប់តែម្តង។

ក្រោយកើតហេតុ នគរបាលចរាចរណ៍នៃស្នងការដ្ឋាននគរបាលខេត្តកំពង់ឆ្នាំង បានដឹកជញ្ជូនកម្មករកម្មការីនីដែលរងរបួសធ្ងន់ស្រាលយកទៅសង្គ្រោះនៅតាមគ្លីនិក និងមន្ទីរពេទ្យបង្អែកខេត្តកំពង់ឆ្នាំង ដែលនៅក្នុងមន្ទីរពេទ្យបង្អែកខេត្តកំពង់ឆ្នាំង និងបញ្ជូនកម្មករ២នាក់ទៀតទៅសង្គ្រោះនៅមន្ទីរពេទ្យកាល់ម៉ែត្រ៕

ដោយ ៖ វ៉ាន់ សេដ្ឋា