ព័ត៌មានអន្ដរជាតិ
លោក បៃដិន ៖ ពូទីន បើកប្រតិបត្តិការសឹកលើ អ៊ុយក្រែន គឺចង់បំបែកលោកខាងលិច
ប្រធានាធិបតីសហរដ្ឋអាមេរិក ចូ បៃដិន បាននិយាយថា សង្គ្រាមលុកលុយរបស់រុស្ស៊ីលើអ៊ុយក្រែន គឺសំដៅបំបែកបំបាក់ប្រទេសលោកខាងលិច ប៉ុន្តែជាសំណាងល្អ ដោយសារតែវាមិនទទួលបានជោគជ័យឡើយ ។
នៅក្នុងបទសម្ភាសន៍ជាមួយសារព័ត៌មាន MSNBC កាលពីថ្ងៃព្រហស្បតិ៍, លោក បៃដិន បានលើកឡើងថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន មានគោលបំណងច្បាស់លាស់មួយក្នុងសង្គ្រាមលើអ៊ុយក្រែន ហើយនោះគឺការបំបែកលោកខាងលិច ។
លោក បៃដិន បានអះអាងថា ប្រសិនបើលោក ពូទីន ជោគជ័យក្នុងប្រតិបត្តិការសឹកនៅអ៊ុយក្រែនមែននោះ លោកខាងលិចនឹងស្ថិតក្នុង “បញ្ហាពិតប្រាកដ” ។ ប្រធានាធិបតីរូបនេះបន្ថែមទៀតថា បណ្តាប្រទេសលោកខាងលិចអាចរួបរួមគ្នា ដើម្បីបង្អាក់ដល់ការលុកលុយដ៏សំខាន់បំផុតណាមួយរបស់រុស្ស៊ី ចាប់តាំងពីសង្គ្រាមលោកលើកទី២ មក ។
លោក បៃដិន ក៏បាននិយាយដែរថា លោកបានផ្តោតលើការរួមគ្នានៃការកាន់កាប់អង្គការណាតូ ចាប់តាំងពីលោកឡើងកាន់តំណែងមក ជាពិសេសរហូតមកដល់ពេលនេះ លោកបានពង្រីកចំនួនសម្ព័ន្ធមិត្ត និងដៃគូដល់ ៤០ ប្រទេសឯណោះ ហើយទាំងអស់នោះហើយ ជាមូលហេតុដែលប្រទេសលោកខាងលិចបន្តផ្តល់ការគាំទ្រយ៉ាងសំខាន់ដល់អ៊ុយក្រែន ។
គួរបញ្ជាក់ថា សហរដ្ឋអាមេរិក និងសម្ព័ន្ធមិត្តបានផ្ដល់កញ្ចប់ជំនួយ ទាំងសព្វាវុធ និងសម្ភារៈយោធាផ្សេងទៀតទៅឲ្យកងកម្លាំងរដ្ឋាភិបាលទីក្រុងកៀវក្នុងទំហំទឹកប្រាក់រាប់ពាន់លានដុល្លារ ចាប់តាំងពីផ្ទុះប្រតិបត្តិការសឹករបស់រុស្ស៊ីលើអ៊ុយក្រែនកាលពីខែកុម្ភៈ ឆ្នាំ២០២២ មក ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ដឹងទេ រុស្ស៊ី ដាក់ទ័ពប៉ុន្មាននាក់ប្រឆាំងការបះបោរប្រដាប់អាវុធរបស់ក្រុម ទាហានស៊ីឈ្នួល
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១០ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ