ព័ត៌មានជាតិ
ពលរដ្ឋឃុំសោប ត្អូញត្អែរតម្លៃគោរស់កាប់សាច់ធ្លាក់ថ្លៃពី ៤ លានរៀល សល់តែជាង ៣ លានរៀល
ក្រៅពីការធ្វើរបរកសិកម្ម ប្រជាពលរដ្ឋនៅតំបន់ជនបទមួយចំនួនក៏មានការចិញ្ចឹមសត្វយកសាច់។ កសិករនៅឃុំសោប ស្រុកព្រែកប្រសប់ ក្រៅពីដាំដំណាំកសិកម្មដូចជាធ្វើស្រែ ជាពិសេសការដាំដំណាំស្វាយចន្ទី មួយចំនួនក៏មានប្រកបមុខរបរចិញ្ចឹមគោយកសាច់ហើយភាគច្រើនជាកូនកាត់ពូជពីប្រទេសជិតខាង។
កសិករឈ្មោះថុង រស់នៅភូមិព្រែកប្រសប់ ដែលមានមុខរបរចិញ្ចឹមគោយកសាច់បានប្រាប់ឲ្យដឹងថា គាត់ចិញ្ចឹមគោជាង ១០ ឆ្នាំមកហើយ។ គោរបស់គាត់ភាគច្រើនជាគោកាត់ ដោយបានប្រវាស់យកមកចិញ្ចឹមប្រហែល ២០ ក្បាល។
ការចិញ្ចឹមរបស់កសិកររូបនេះ តាមបែបបុរាណដោយលែងឲ្យដើរស៊ីតាមវាលស្រែ។ យ៉ាងណាមិញ គោចិញ្ចឹមរបស់គាត់ជួបប្រទះការឈឺ កើតជំងឺដុំពកជាជំងឺសម័យឆ្លងពីប្រទេសជិតខាង ដែលជំងឺនេះធ្វើឲ្យគាត់បាត់បង់កូនគោមួយចំនួន។
ក្រៅពីការចិញ្ចឹមជួបការលំបាក កសិកររូបនេះក៏មានការព្រួយបារម្ភ ចំពោះតម្លៃគោចិញ្ចឹមមានការធ្លាក់ថ្លៃ ដែលធ្វើឲ្យប៉ះពាល់ដល់ជីវភាព។
«ពីមុនគោរស់មួយក្បាលអាចលក់បាន ៤ លានរៀល ឥលូវនៅសល់តែជាង ៣ លានរៀល»។ កសិកររូបនេះបន្តថា មិនដឹងមូលហេតុតម្លៃគោរស់ធ្លាក់តម្លៃ ខណៈសាច់គោលើទីផ្សារតម្លៃមិនមានការប្រែប្រួលអីនោះទេ?។
ទោះបីតម្លៃគោធ្លាក់ថ្លៃ ប៉ុន្តែកសិកររូបនេះអះអាងថានៅតែបន្តចិញ្ចឹមដោយសារការស្រលាញ់ចូលចិត្ត និងណាមួយក៏ជាមុខរបរបន្ថែមក្រៅពីការធ្វើស្រែចម្ការ។
កសិករមួយរូបទៀតដែលមានមុខរបរចិញ្ចឹមគោរស់នៅភូមិឃុំខាងលើមានឈ្មោះ ខ្នារ អាយុ ៦៥ ឆ្នាំ ក៏ព្រួយបារម្ភពីតម្លៃគោធ្លាក់ថ្លៃជាងពេលមុន។ លោកក៏សំណូមពរដល់ក្រសួងពាក់ព័ន្ធជួយពិនិត្យលើទីផ្សារគោឲ្យមានតម្លៃសមរម្យឡើងវិញ។
បើតាមឈ្មួញទិញគោមួយរូបបានឲ្យដឹងថា តម្លៃគោធ្លាក់ថ្លៃជាងមុន ព្រោះមានការនាំចូលច្រើន។
«គោមួយក្បាលពីមុនទិញចូល ៤ លានរៀល ឥឡូវតម្លៃចន្លោះ ២ លាន ៨ សែន ទៅ ៣ លានរៀល»។
ឈ្មួញរូបនេះបន្តថា បច្ចុប្បន្នការទិញក៏មានភាពងាយស្រួលជាងមុនដោយសារគោសំបូរ ហើយការទិញពីប្រជាពលរដ្ឋក៏បានថោកជាងមុន។ តម្លៃកាប់សាច់គាត់អាចលក់បានមួយគីឡូ ៣៥ ០០០ រៀល។
ទាក់ទងតម្លៃគោរស់ធ្លាក់ថ្លៃនេះ កម្ពុជាថ្មីបានទាក់ទងទៅលោក ទ្រី សុភក្តិ ប្រធានមន្ទីរកសិកម្មខេត្តក្រចេះតាំងពីម្សិលមិញរហូតដល់ព្រឹកថ្ងៃ ៣០ មិថុនា មិនអាចទំនាក់ទំនងបានដើម្បីស្នើសុំការពន្យល់បន្ថែមជុំវិញតម្លៃគោធ្លាក់ថ្លៃនេះ៕
អត្ថបទ៖ លី រតនា
សម្ដេចតេជោ រំលឹកពីការប៉ុនប៉ងធ្វើឃាដសម្ដេចមិនបានសម្រេចកាលពី២៤ឆ្នាំ
កូរ៉េខាងត្បូង ព្រមានថា គីម ជុងអ៊ុន អាចបាញ់សាកល្បងអាវុធនុយក្លេអ៊ែរ អំឡុងពេលអាមេរិកបោះឆ្នោត
កសិករក្នុងស្រុកបវេល បង្ខំចិត្តច្រូតស្រូវស្រងែ មុនពេលកំណត់ព្រោះខ្លាចទឹកជំនន់
ឡើងកម្តៅ! អ៊ីស្រាអែល សម្លាប់មនុស្សជិត ៥០០នាក់នៅលីបង់ ខណៈអាមេរិក បញ្ជូនទ័ពបន្ថែមទៅ មជ្ឈិមបូព៌ា
ឆ្នាំនេះ ខេត្តតាកែវមានបេក្ខជនប្រឡងបាក់ឌុបថយចុះជាង៦០០នាក់ បេីធៀបឆ្នាំមុន
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
៦ខេត្តរបស់ថៃ នៅតែរងគ្រោះ ដោយទឹកជំនន់
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ