ព័ត៌មានអន្ដរជាតិ
(Update) ៖ អ្នកស្លាប់ដោយព្យុះ Molave នៅវៀតណាមកើនដល់ ៤០ នាក់
គិតត្រឹមព្រឹកថ្ងៃសៅរ៍ ទី ៣១ ខែតុលា នេះ អ្នកស្លាប់ដោយព្យុះ Molave បានកើនឡើងជិត ៤០ នាក់ចាប់តាំងពីវាបានមកដល់ប្រទេសវៀតណាមកាលពី ២ ថ្ងៃមុន ខណៈមនុស្សជាច្រើនត្រូវបានជួយសង្គ្រោះកាលពីថ្ងៃព្រហស្បតិ៍រួមទាំងអ្នកនេសាទ ៣ នាក់ត្រូវបានរកឃើញនៅក្នុងសមុទ្រ និងមនុស្ស ៣៣ នាក់ទៀតបានទាញចេញពីភូមិតូចមួយដែលកប់ដោយដីភក់ ។
ទន្ទឹមនោះក្រុមអ្នកជួយសង្គ្រោះបានស្វែងរកសញ្ញានៃការរស់រានមានជីវិតបន្ថែមទៀត បន្ទាប់ពីមានការរអិលបាក់ដីជាបន្តបន្ទាប់នៅភាគកណ្តាលប្រទេសវៀតណាមដែលបណ្តាលមកពីភ្លៀងធ្លាក់ខ្លាំងពីព្យុះ Molave ខណៈព្យុះដ៏ខ្លាំងក្លាមួយទៀតកំពុងបោកបក់ឆ្ពោះទៅតំបន់អាស៊ីអាគ្នេយ៍ ។
![](https://kampucheathmey.com/wp-content/uploads/2020/10/Molave-3.jpg)
បន្ថែមពីនេះឧទ្ធម្ភាគចក្រ ទាហាន និងឆ្កែហិតក្លិនត្រូវបានដាក់ពង្រាយដើម្បីស្វែងរកមនុស្សរាប់សិបនាក់ទៀតដែលត្រូវបានគេគិតថាស្លាប់នៅក្នុងប្រទេសវៀតណាមដោយសារការរអិលបាក់ដី និងកប់ភក់យ៉ាងតិច ៥ នៅតំបន់ភាគកណ្តាលដែលត្រូវបានបំផ្លាញដោយសារភ្លៀងធ្លាក់ខ្លាំងរាប់សប្តាហ៍ និងទឹកជំនន់ដ៏អាក្រក់បំផុតនៅក្នុងឆ្នាំ ។
ចំណែកលោកឧបនាយករដ្ឋមន្រ្តី Trinh Dinh Dung បានប្រាប់កិច្ចប្រជុំគណៈរដ្ឋមន្រ្តីកាលពីថ្ងៃសុក្រថា ព្យុះទីហ្វុងនេះបានបន្សល់ទុកនូវការខូចខាតយ៉ាងខ្លាំង ។
គួរបញ្ជាក់ថា តំបន់ភាគកណ្ដាលប្រទេសវៀតណាមបានជួបប្រទះនូវព្យុះទីហ្វុងជាបន្តបន្ទាប់នៅឆ្នាំនេះដោយសម្លាប់មនុស្សយ៉ាងតិច ១៦០ នាក់ និងបណ្ដាលឲ្យមនុស្សរាប់សិបនាក់បាត់ខ្លួន ហើយបានបំផ្លិចបំផ្លាញទីក្រុង និងផលដំណាំជាច្រើន និងបង្ខំឲ្យមនុស្សរាប់ពាន់នាក់ស្ថិតក្នុងជម្រកបណ្ដោះអាសន្ន ៕
![](https://kampucheathmey.com/wp-content/uploads/2020/10/Molave-4.jpg)
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ គិតត្រឹមព្រឹកនេះ ចំនួនអ្នកស្លាប់ដោយព្យុះ Molave នៅវៀតណាមកើនដល់ ១៣ នាក់
ចុចអាន ៖ Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ២០ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?