ក្រោយ Lisa ត្រូវគេថាផាត់មុខមិនសមជាតារាលើឆាកច្រើនឆ្នាំ ពេលនេះអ្នកគាំទ្ររកឃើញមូលហេតុពិត

អ្នកគាំទ្រទូទាំងពិភពលោក ពិតជាមានការភ្ញាក់ផ្អើលជាខ្លាំង បន្ទាប់ពី Lisa សមាជិកក្រុម BLACKPINK បានបង្ហាញខ្លួនក្នុងព្រឹត្តិការណ៍​គម្រប់ខួប ៧៥ឆ្នាំរបស់ម៉ាកយីហោ BVLGARI ទាំងស្អាតទាំងគួរឲ្យស្រលាញ់ និងបង្កប់ទាក់ទាញដល់មនុស្សគ្រប់គ្នា។

យ៉ាងណាមិញ​នៅក្នុងរូបភាព​ស្រស់ស្អាត​ គួរឲ្យ​ចាប់អារម្មណ៍​របស់​សមាជិកក្រុម BLACKPINK នៅមាន​រឿងមួយដែល​ទស្សនិកជន​ជាច្រើន​ចាប់បានដោយ​សម្ងាត់​ នៅពេលដែលពួកគេឃើញ​ស្នាមញញឹម​របស់ Lisa ដូចជាមានអ្វីមួយជាប់នៅក្នុងធ្មេញ​របស់នាង។ វាមើលទៅ​ដូចជា​គ្រាប់ត្បូង​តូច​ៗ​មួយ​ដែល​មាន​ពន្លឺ​ចែងចាំង​មក​ខាង​ក្រៅ។ ដែលនេះបានធ្វើឲ្យមនុស្សជាច្រើនមានចម្ងល់និងគិតថាអ្នកផាត់មុខនិងតុបតែងឲ្យ Lisa ធ្វេសប្រហែសណាស់។

ជាមួយគ្នា​នេះទៀត ​នៅ​ក្នុងពិភព​អ៊ីនធឺណិត​បានលាតត្រដាងមូលហេតុដែល​មានអ្វីមួយបាន​ជាប់នឹង​ធ្មេញរបស់ Lisa ថា តាមពិតនោះគឺជាត្បូងពេជ្រធ្លាប់ជានិន្នាការពេញនិយមនាពេលកន្លងមក។ សម្រាប់ការបង្កើតធ្មេញ (Tooth Gems) គឺជាដំណើរការនៃការបង្កើត​ធ្មេញឬទម្រង់នៃ​ការ​បង្កើន​ភាព​ស្រស់​ស្អាត​ដល់​ធ្មេញ។​ នេះជាវិធីមួយទៀតដើម្បីបន្ថែមភាព​ទាក់ទាញដល់ស្នាមញញឹម​ខ្លួនឯង។

ទោះយ៉ាងណាក៏ដោយ​ក្នុង​ព្រឹត្តិការណ៍ BVLGARI ​សម្រស់របស់ Lisa ត្រូវអ្នកលេងអ៉ិនធើណេតថាឲ្យចំៗ​អំពីការតុបតែងខ្លួនមិនស្រស់ស្អាតផងដែរ។ ក្រឡេកមើលឲ្យជិតខ្នងរបស់ Lisa គឺ​ងងឹតទាំងស្រុង បើធៀបនឹងមុខរបស់នាង ពេលថតរូបជាមួយពន្លឺ។ ក្នុងនោះនាងត្រូវគេផ្ដល់ជាយោបល់ថា​គួរ​លាប​ក្រែម​​មុន​ពេល​ទៅ​ព្រឹត្តិការណ៍​ ដើម្បី​ចៀសវាង​ការ​ថត​រូប​ដែលមិនសមជាតារាល្បីលំដាប់ពិភពលោក។​ បន្ថែមទៀតអ្នកថតរូបក៏បានផ្ដិតយកស្នាមក្រែមលើធ្មេញរបស់នាងដែលមើលទៅកាន់តែអាក្រក់លើសមុន៕

ប្រែសម្រួល៖ សាង ស្រីល័ក្ខ

ចុចអាន៖មិនមែនសរសើររហូតទេ លើកនេះ Lisa ត្រូវគេថាឲ្យចំៗ ផាត់មុខមិនសមជាតារាលើឆាកច្រើនឆ្នាំ