ព័ត៌មានជាតិ
ជួបកម្មករសាងសង់ស្ពានខេត្តក្រចេះ សប្បាយចិត្តបានស្ពាននៅស្រុកកំណើតផង បានការងារចិញ្ចឹមគ្រួសារផង
ការដ្ឋានសំណង់ស្ពានខេត្តក្រចេះ កំពុងដំណើរការសាងសង់សម្រេចបានលទ្ធផលមួយចំនួនគិតត្រឹមខែកក្កដានេះ។ យើងអាចមើលឃើញសសរគ្រឹះស្ពានជាជួរ ជាមួយគ្រឿងចក្រតូចធំកំពុងលើកដាក់សម្ភារៈសាងសង់យ៉ាងមមាញឹកនៅលើផ្ទៃទឹកទន្លេ។
នៅក្នុងការដ្ឋានជាមួយកម្មកររាប់សិបនាក់ កម្មករខ្លះមកពីឆ្ងាយឆ្លងខេត្ត ខណៈក៏មានកម្មករខ្លះមានស្រុកកំណើតក្នុងខេត្តក្រចេះផ្ទាល់តែម្តង។ ពួកគាត់បានបង្ហាញក្តីរីករាយចំពោះសមិទ្ធផលដ៏មានតម្លៃសម្រាប់ទឹកដីកំណើត រួមទាំងឱកាសការងារមានប្រាក់ចំណូលផ្គត់ផ្គត់គ្រួសារ។
កម្មករម្នាក់ឈ្មោះ រុន រស់នៅឃុំបុសលាវ ខេត្តក្រចេះដែលនៅមិនឆ្ងាយពីការដ្ឋានស្ពានបានឲ្យដឹងថា ការងាររបស់គាត់ត្រូវពត់ដែកធ្វើគ្រឹះស្ពាន។ ទាក់ទងការងារនេះគាត់សប្បាយចិត្ត ដោយសារជាសមិទ្ធផលសម្រាប់ស្រុកកំណើត ខណៈតាមរយៈការងារនេះក៏ផ្តល់ចំណូលសម្រាប់ផ្គត់ផ្គង់គ្រួសារផងដែរ។
កម្មករជញ្ជូនដែកឈ្មោះ សុខ ឆាន ក៏មិនខុសគ្នាដែរក៏ជាអ្នកខេត្តក្រចេះ។ បើទោះបីការងារត្រូវហាលភ្លៀងហាលក្តៅ ប៉ុន្តែនៅតែញញឹមព្រោះគាត់ចង់បានស្ពាននេះជាយូរមកហើយនៅក្នុងខេត្តជាស្រុកកំណើត។
កម្មកររូបនេះឲ្យដឹងថា លោកមានស្រុកកំណើតនៅឃុំក្រគរ ស្រុកចិត្របុរី នៅមិនឆ្ងាយប៉ុន្មានពីការដ្ឋានស្ពានកំពុងសាងសង់។
បើតាមកម្មករូបនេះ ស្ពាននេះជាសមិទ្ធផលស្ពានឆ្លងទន្លេដ៏ធំជាលើកដំបូងសម្រាប់ខេត្តក្រចេះ ដែលពលរដ្ឋទន្ទឹងរង់ចាំជាយូរឆ្នាំមកហើយ។ ការងាររាល់ថ្ងៃលោកប្រាប់ថាមានការនឿយហត់ខ្លះដែរ តែលោកនឹងពុះពារចូលរួមចំណែកសម្រាប់សមិទ្ធផលសំណង់ជាប្រវត្តិសាស្រ្តក្នុងទឹកដីកំណើត រហូតដល់ការងារសាងសង់បញ្ចប់ទាំងស្រុង។
កម្មករម្នាក់ឈ្មោះទិត្យ អាយុ ៤៨ ឆ្នាំ មានស្រុកកំណើតនៅស្រុកខ្សាច់កណ្តាល ខេត្តកណ្ដាលបានមកធ្វើការនៅការដ្ឋានសាងសង់ស្ពាននៅខេត្តក្រចេះជាច្រើនខែមកហើយ។ ដោយទទួលខុសត្រូវការងារពត់ដែកធ្វើគ្រឹះស្ពាន លោកក៏សប្បាយចិត្តសម្រាប់ការងារបម្រើជាតិមាតុភូមិ។
ចំណែកកម្មករម្នាក់ទៀតឈ្មោះ ឈុន នី ជាអ្នកស្រុកស្រុកស្ទឹងត្រង់ខេត្តកំពង់ចាម មិនមែនជាលើកដំបូងដែលបុរសរូបនេះបានចូលរួមគម្រោងសាងសង់ស្ពាន ដោយលោកក៏ទើបតែបញ្ចប់ការងារនៅការដ្ឋានសាងសង់ស្ពាននៅស្រុកស្ទឹងត្រង់ដែលទើបសម្ពោធកន្លងទៅនោះដែរ។
បុរសរូបនេះបានឲ្យដឹងថា ការងារនៅទីនេះច្បាស់លាស់ពេលវេលាណាស់។ មុនចាប់ផ្តើម កម្មករទាំងអស់ត្រូវមានឯកសណ្ឋាន ស្លៀកពាក់បានត្រឹមត្រូវ ដូចជាមួកសុវត្ថិភាព អាវការពារ និងពាក់ខ្សែក្រវាត់ការពារជាដើម។
លោកបញ្ជាក់ថា ការងារពីការដ្ឋានមួយទៅការដ្ឋានមួយ ជួបការលំបាកខុសៗគ្នា។ យ៉ាងណាងទោះបីហត់ក្តី ពិបាកក្តី លោកក៏ពេញចិត្តដោយសារវាបានបម្រើប្រយោជន៍សម្រាប់ពលរដ្ឋនិងប្រទេសជាតិ។
ឃុំសោបស្ថិតនៅទល់មុខក្រុងក្រចេះខណ្ឌចែកដោយទន្លេ។ ពលរដ្ឋបានទន្ទឹងរង់ចាំស្ពានឆ្លងទន្លេជាច្រើនឆ្នាំមកហើយ ខណៈកន្លងទៅត្រូវឆ្លងដទៅវិញទៅមកជួបការលំបាក។ ពលរដ្ឋម្នាក់ឈ្មោះតុលា រស់នៅឃុំសោបបានរៀបរាប់ទាំងពេញចិត្តថា តាមរយៈគម្រោងស្ពាននេះបានផ្តល់ក្តីសង្ឃឹមយ៉ាងច្រើនសម្រាប់ពលរដ្ឋក្នុងភូមិ។ កន្លងទៅនៅពេលប្រជាពលរដ្ឋក្នុងភូមិជួបបញ្ហាឈឺស្កាត់យប់ព្រលប់ពិបាក ត្រូវជួលទូកដរឆ្លងទៅខេត្តមិនងាយស្រួលនោះទេ។ ខណៈនៅខែវស្សាវិញទឹកឡើង រលកធំ ខ្យល់ខ្លាំងជាហេតុធ្វើឲ្យមានគ្រោះថ្នាក់បាន។ នៅពេលមានស្ពាន លោកសប្បាយចិត្តហើយក៏អរគុណរដ្ឋាភិបាលដែលផ្តល់អំណោយស្ពានមួយនេះ។
ស្ពានឆ្លងទន្លេមេគង្គខេត្តក្រចេះបានបើកការដ្ឋានសាងសង់កាលពីថ្ងៃទី ២ ខែមករា ឆ្នាំ ២០២៣ មានប្រវែង ១ ៧៦១ ម៉ែត្រ ភ្ជាប់ពីត្រើយខាងកើតស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិចស្ថិតនៅត្រង់ភូមិថ្មរាប ឃុំព្រែកប្រសព្ វស្រុកព្រែកប្រសព្វ ខេត្តក្រចេះ។
គម្រោងស្ពាននេះ គ្រោងប្រើប្រាស់រយៈពេលសាងសង់ ៤២ ខែ បញ្ចប់នៅឆ្នាំ ២០២៦ ដែលចំណាយថវិកាប្រមាណ ១១៤ លានដុល្លារ៕
អត្ថបទ៖ លី រតនា
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១៤ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច១ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
សេដ្ឋកិច្ច៤ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ