ព័ត៌មានអន្ដរជាតិ
លោក Lukashenko ថា កុំភ័យ! នុយក្លេអ៊ែររុស្ស៊ី លើដីបេឡារុស នឹងមិនបាញ់ឡើយ
កាលពីថ្ងៃសុក្រទី៣០ខែមិថុនា ប្រធានាធិបតីបេឡារុស លោក Alexander Lukashenko បានបញ្ជាក់ច្បាស់ៗថា អាវុធនុយក្លេអ៊ែរយុទ្ធសាស្ត្រ ដែលឈរជើងនៅក្នុងប្រទេសបេឡារុស នឹងមិនត្រូវប្រើប្រាស់ឡើយ។
ដកស្រង់សម្ដីដោយទីភ្នាក់ងារព័ត៌មានរដ្ឋ Belta, លោក Lukashenko និយាយថា “មនុស្សកំពុងនិយាយនៅថ្ងៃនេះអំពីអាវុធនុយក្លេអ៊ែរ ដែលបញ្ជូនទៅប្រទេសបេឡារុស។ មិនចាំបាច់រិះគន់នរណាម្នាក់ទេ ខ្ញុំធ្លាប់និយាយពីវារួចហើយ។ វាគឺជាគំនិតផ្តួចផ្តើមដ៏រឹងមាំបំផុតរបស់ខ្ញុំ អាវុធនុយក្លេអ៊ែរ ត្រូវបានដាក់នៅទីនេះ នៅកន្លែងដែលមានសុវត្ថិភាព។ ខ្ញុំសូមបញ្ជាក់ថា ដរាបណាពួកគេនៅទីនេះ កុំភ័យ! យើងនឹងមិនបាញ់វាទេ ហើយក៏គ្មានសត្រូវណា ហ៊ានឈានជើងចូលទឹកដីរបស់យើងដែរ”។
លោកលើកឡើងបែបនេះ បន្ទាប់ពីមានការភ័យខ្លាចជាសកលថា រុស្ស៊ី អាចប្រើទឹកដីបេឡារុស ជាកន្លែងបាញ់អាវុធនុយក្លេអ៊ែរ។
សូមរម្លឹកឡើងវិញ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីពាក់កណ្តាលខែមិថុនាថា ទីក្រុងមូស្គូ បានផ្ទេរក្បាលគ្រាប់នុយក្លេអ៊ែរទៅប្រទេសបេឡារុស ហើយនឹងបញ្ចប់ភារកិច្ចផ្លាស់ប្តូរអាវុធនុយក្លេអ៊ែរយុទ្ធសាស្ត្រនៅចុងឆ្នាំនេះ។
លោក ពូទីន អះអាងទៀតថា ការដាក់ពង្រាយនេះគឺដើម្បីកំញើញ និងជាសញ្ញាព្រមានមួយ ផ្ញើទៅអ្នកដែលចង់កម្ចាត់រុស្ស៊ី៕
ប្រែសម្រួល៖ Vann Vann
ប្រភព៖ Sputnik
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ