ក្រពើធំបំផុតលើលោក នៅតែបន្តលូតលាស់ ទោះចាស់យ៉ាងណាក៏ដោយ

​ទោះ Cassius ជាក្រពើមានអាយុ ១២០ ឆ្នាំ និងចាស់បន្តិចក្ដី ប៉ុន្តែវានៅមានសុខភាពល្អ ។ ខណៈកំពុងរស់នៅក្នុងសួនក្រពើ Marineland ប្រទេសអូស្ត្រាលី វាក៏ជាប់កំណត់ត្រា Guinness ជាក្រពើធំបំផុតផងដែរ ។

អ្នកស្រី Sally Isberg នាយកគ្រប់គ្រងនៅមជ្ឈមណ្ឌលស្រាវជ្រាវក្រពើនៃប្រទេសអូស្ត្រាលីនិយាយថា “បច្ចុប្បន្ន Cassius គឺជាក្រពើមានសុខភាពល្អទាំងផ្លូវកាយ និងផ្លូវចិត្ត” ។

ក្នុងអំឡុងពេលពិនិត្យសុខភាពប្រចាំឆ្នាំ ២០២៣ សាស្ត្រាចារ្យ Graeme Webb បានសង្កេតឃើញថា Cassius លូតវែងជាង ២០ ឆ្នាំមុនរហូតដល់ ៣៣.០២ សង់ទីម៉ែត្រឯណោះ ។ អ្វីដែលធ្វើឲ្យ Cassius មិនធម្មតានោះគឺ វានៅតែបន្តលូតលាស់ដល់ទៅប្រវែង ៥.៤៨ ម៉ែត្រឯណោះ ទោះមានវ័យជរាមែនពិត ។

Cassius ត្រូវគេចាប់បានក្នុងឆ្នាំ ១៩៨៤ នៅជិតទីក្រុង Darwin ហើយក៏បញ្ជូនទៅកោះបៃតង ហើយពីរបីឆ្នាំក្រោយ ទើបវាមករស់ក្នុងសួនក្រពើ Marineland រហូតដល់សព្វថ្ងៃ ។

យ៉ាងណាក្រពើចាស់បំផុតមិនធ្លាប់មានគឺ Freshie អាយុ ១៤០ ឆ្នាំ មិនមែន Cassius នោះទេ តែវាស្លាប់តាំងពីឆ្នាំ ២០១០ មកម្ល៉េះ ទើប Cassius ជាអ្នកស្នងតំណែងវិញ ៕

ប្រែសម្រួល៖ វារី

ប្រភព៖ foxnews

ចុចអាន៖ ក្រពើធំបំផុតលើលោក ប្រារព្ធពិធីខួបកំណើតគម្រប់ ១២០ ឆ្នាំ