ព័ត៌មានជាតិ

ភ្ជួរដីចំការប៉ះម៉ីនតោនផ្ទុះរងរបួសអ្នកបើកត្រាក់ទ័រម្នាក់

បានផុស

៤ years មុន

នៅ

ថ្ងៃអង្គារ ២៦ មករា ២០២១

ដោយ

តាមរបាយការណ៍ពីសមត្ថកិច្ចបានឲ្យដឹងថា បុរសជាអ្នកស៊ីឈ្នួលបើកត្រាក់ទ័រភ្ជួរដីម្នាក់ បានរងរបួសធ្ងន់ ខណៈជនរងគ្រោះបើកត្រាក់ទ័រ១គ្រឿងភ្ជួរដីចំការប៉ះចំម៉ីនតោន១គ្រាប់ បណ្តាលឲ្យផ្ទុះយ៉ាងកក្រើក ហើយត្រូវបានក្រុមគ្រួសារដឹកយកទៅសង្គ្រោះភ្លាមៗ។

ប្រភពបន្តថា ហេតុការនេះបានកើតឡើងកាលពីវេលាម៉ោង១០និង២៤នាទី ថ្ងៃទី២៦ ខែមករា ឆ្នាំ២០២១នេះ ត្រង់ចំណុចខាងកើតវត្តស្រែក្នុងភូមិស្រះចក ស្រុកសំពៅលូន ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបញ្ជាក់ថា ក្នុងហេតុការនេះបានបង្កឲ្យត្រាក់ទ័រមួយគ្រឿម៉ាកហ្វត របស់ឈ្មោះ សនសៅ ភេទប្រុសអាយុ៤២ឆ្នាំ មានទីលំនៅភូមិអូរចំណិប ឃុំតាស្តា ស្រុកសំពៅលូន រងការខូចខាតប្រហែល៤៨%។ ចំណែកអ្នកស៊ីឈ្នួលបើកត្រាក់ទ័រភ្ជួរដីមានឈ្មោះ ឌុល គង់ ភេទប្រុសអាយុ៤៥ឆ្នាំមានទីលំនៅភូមិអូរកណ្តោល ឃុំសន្តិភាព ស្រុកសំពៅលូន បានរងរបួសដៃនិងដងខ្លួនខាងស្តាំធ្ងន់ធ្ងរ។

ក្រោយកើតហេតុភ្លាមៗ ជនរងគ្រោះត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកសំពៅលូន ខណៈដែលជនរងគ្រោះមានសភាពធ្ងន់ធ្ងរក្រោយពីជួយសង្គ្រោះបឋមខាងគ្រូពេទ្យនឹងបញ្ជូនបន្តទៅមន្ទីរពេទ្យបង្អែកខេត្តដើម្បីចៀសផុតពីគ្រោះថ្នាក់ដល់ជីវិត៕

អត្ថបទ ៖ សៅ សារិទ្ធ