ការសិក្សារកឃើញថា ពីងពាងឈ្មោលមួយប្រភេទសម្រាតញីសិន មុនបង្កកំណើត (មានវីដេអូ)

អ្នកវិទ្យាសាស្ត្ររកឃើញថា មិនមែនមានតែមនុស្សទេដែលសម្រាតខោអាវគ្នាមុនរួមភេទ សត្វពីងពាងតូចមួយប្រភេទ (Spider Mite) ក៏ធ្វើបែបនេះដែរ ដោយវាយាមពីងពាងញី បន្ទាប់មកបកស្បែកចាស់ៗចេញ ដើម្បីឆាប់បានបង្កកំណើត ។

សម្រាប់ពីងពាងល្អិតនេះ ការប្រជែងដើម្បីក្លាយជាគូដំបូងរបស់សត្វញីគឺត្រូវការសមត្ថភាពខ្ពស់បំផុត ព្រោះបាដំបូងគឺជាអ្នកចិញ្ចឹមកូនទាំងអស់ ។ ដោយសារតែការប្រកួតប្រជែងមានលក្ខណៈពិបាក សត្វពីងពាងឈ្មោលនឹងនៅការពារសត្វញីជាច្រើនម៉ោង ទម្រាំវាពេញវ័យអាចបង្កកំណើតបាន ។

មុនពេលបង្កកំណើត យើងសង្កេតឃើញពីងពាងញីមានពណ៌ប្រាក់ ដោយសារតែខ្យល់ដែលស្ថិតនៅចន្លោះស្បែកចាស់ និងស្បែកថ្មីរបស់វា ។ អំឡុងពេលបង្កកំណើត សត្វឈ្មោលនឹងយកជើងធាក់ស្បែកចាស់សត្វញីឲ្យប្រេះ រួចចាប់ផ្ដើមទាញចេញរហូតដល់អស់ស្បែកចាស់ពីខ្លួនសត្វញី ។

ពាក់ព័ន្ធនឹងបញ្ហានេះដែរ លោក Peter Schausberger បានឲ្យដឹងថា “ការសម្រាតរបស់សត្វពីងពាងឈ្មោលខាងលើ ជួយបង្កើនឱកាសនៃភាពជោគជ័យក្នុងការបន្តពូជជាមួយសត្វញី មិនដូច្នោះទេនឹងមានសត្វពីងពាងឈ្មោលផ្សេងទៀតមកដណ្ដើមសត្វញីដែលធ្វើឲ្យសត្វពីងពាងឈ្មោលដំបូងខាតបង់ពេលវេលា និងកម្លាំងកាយ” ៕

ប្រែសម្រួល៖ វារី

ប្រភព៖ Daily Mail

ចុចអាន៖ អ្នកវិទ្យាសាស្ត្ររកឃើញ ពីងពាងកម្រ ដែលជិតផុតពូជ

ចុចអាន៖ រូបសំណាកពីងពាងលក់បានជាង ៣០ លានដុល្លារ បំបែកកំណត់ត្រាស្នាដៃស្ត្រីថ្លៃបំផុត