ចម្ការទុរេនសំឡូតក្លាយជាកន្លែងកម្សាន្តសម្រាប់ទេសចរ

បច្ចុប្បន្នផ្លែទុរេនសំឡូត ដែលគេល្បីថាមានរសជាតិឆ្ងាញ់នោះកំពុងមានទីផ្សារយ៉ាងល្អ និងមានតម្លៃសមរម្យ ដោយនៅរដូវនេះមានភ្ញៀវ​ទេសចរដើរកម្សាន្តបានទៅទិញដោយផ្ទាល់នៅតាមចម្ការរបស់កសិករ។

ម្ចាស់ចម្ការ​ទុរេន លោក កែវ វិបុល នៅស្រុកសំឡូត ខេត្តបាត់ដំបងបានឱ្យដឹងថា មកដល់បច្ចុប្បន្ននេះ ទុរេនរបស់លោកហាក់មានទីផ្សារល្អ ដោយមានអតិថិជនមកទិញដល់ចម្ការស្ទើរតែរៀងរាល់ថ្ងៃ ហើយក៏មានឈ្មួញនៅតាមខេត្តផ្សេងៗ ក៏បានមកទិញទាំងតោនៗផងដែរដើម្បីយកទៅលក់បន្ត។   

​ព្រមជាមួយគ្នានេះ ក៏មានភ្ញៀវតាមបណ្តា​ខេត្តផ្សេងៗមកមកលេងកម្សាន្តដល់ចម្ការរៀងរាល់ចុងសប្តាហ៍ ​និងបានភ្លក់រសជាតិទុរេនសំឡូត ដែល​មានរសជាតិផ្អែមឆ្ងាញ់មិនចាញ់​ទុរេនពីខេត្តដទៃនោះឡើយ។

លោកក៏បានបន្តថា ធុរេនសំឡូត ថ្វីត្បិតតែមានរូបរាងមិនសូវស្អាត ប៉ុន្តែបើរសជាតិវិញ គឺផ្អែមឆ្អាញ់ មិនចាញ់ធុរេនដែលគេនាំចូលពីប្រទេសជិតខាងឡើយ ដែលភាគច្រើនគេប្រើសារធាតុគីមី ដែលបង្កអោយខូចសុខភាពដល់អ្នកដែលបរិភោគបាន។ ហើយទុរេនមានការលំបាកក្នុងការដាំ ប្រសិនបើយើងខ្វះបទពិសោធន៍ និងបច្ចេកទេសក្នុងការដាំ ហើយក្នុងរយ:ពេល៤ឆ្នាំទើបដើមធុរេនចាប់ផ្តើមហុចផលជាបណ្តើរៗ។

ជាមួយគ្នានោះ​ លោក​​ក៏បានអំពាវនាវ​​អោយក្រសួងកសិកម្ម និងអាជ្ញារធរគ្រប់ជាន់ថ្នាក់ មេត្តាជួយសម្រួលកុំ​ឱ្យមានការនាំចូលធុរេនពីប្រទេសផ្សេងៗ ដើម្បីជួយឱ្យប្រជាកសិករខ្មែរ បានមានឱកាសក្នុងការដាំដុះធុរេនបានតំលៃសមរម្យ និងជួយសម្រាលដល់ជីវភាពរបស់ប្រជាកសិករ។

លោកស្វាគមន៍ជានិច្ចសម្រាប់ភ្ញៀវទេសចរនានា ដែលពេលសម្រាកពីកាងារចុងសប្តាហ៍ ក៏ដូចជាអតិថិជនមកលេងនៅចំការផ្ទាល់ ដើម្បីបានភ្លក្សធុរេននៅក្នុងចម្ការផ្ទាល់។

បន្ថែមពីនេះលោក​ក៏អំពាវនាដល់បងប្អូននៅស្រុកសំឡូតទាំងអស់ នាំគ្នាដាំដំណាំធុរេនទាំងអស់គ្នា ដើម្បីឱ្យមានជីវភាពល្អធូរធារ និងជួយលើកស្ទួយផលិផលក្នុងស្រុក រួមទាំងសេដ្ឋកិច្ចជាតិផងដែរ ព្រោះបច្ចុប្បន្នលោកមិនត្រឹមតែលក់ផ្លែទុរេនប៉ុណ្ណោះទេ គឺទេសភាពក្នុងចម្ការក៏ទាក់ទាញភ្ញៀវឱ្យចូលទៅកម្សាន្តផងដែរ៕ 

អត្ថបទ៖ សោ និយមរ័ត្ន