Cardi B ឲ្យកាបូបតម្លៃរាប់ម៉ឺនដុល្លារ ជាកាដូខួបកំណើតកូនស្រីអាយុ ៥ ឆ្នាំ

តារារ៉េបស្រីអាមេរិក Cardi B ដែលមានទ្រព្យសម្បត្តិប្រហែល ៨០ លានដុល្លារ បានឲ្យកាដូជាកាបូបម៉ាក Hermès Birkin ក្នុងតម្លៃរាប់ម៉ឺនដុល្លារទៅឲ្យកូនស្រី ។

កូនស្រី Cardi B ឈ្មោះ Kulture បានធ្វើពិធីខួបកំណើតអាយុ ៥ ឆ្នាំកាលពីថ្ងៃចន្ទ ទី១០ ខែកក្កដា ឆ្នាំ២០២៣ ជាពិសេសនាងទទួលបានកាបូប Hermès Birkin ពណ៌ផ្កាឈូកដែលមានតម្លៃដល់ទៅ ២,៥០០០ ដុល្លារ ។

Cardi B បានបង្ហោះរូបទៅក្នុង Instagram ដោយភ្ជាប់ជាមួយខេបសិនថា “កូនរបស់ខ្ញុំមានអាយុ ៥ ឆ្នាំហើយ រីករាយថ្ងៃកំណើតព្រះនាងដ៏ស្អាតរបស់ម៉ាក់ ។ ឃើញកូនធំបែបនេះ ម៉ាក់មិនសូវសប្បាយចិត្តប៉ុន្មានទេ ព្រោះកូនមិនមែនក្មេងទៀតឡើយ” ។

ទោះជាយ៉ាងណា នេះមិនមែនជារឿងភ្ញាក់ផ្អើលសម្រាប់អ្នកតាមដានរបស់ Cardi នោះទេ ព្រោះនាងមានកាបូបម៉ាក Hermès Birkin ដល់ទៅជាង ២៦ កាបូបឯណោះ ដែលសរុបជាទឹកប្រាក់មានតម្លៃរាប់លានដុល្លារឯណោះ ៕

ប្រែសម្រួល៖ វារី

ប្រភព៖ yahoo

ចុចអាន៖ រឿងរ៉ាវចាក់ស្រេះ របស់ Hermès Birkin មុនក្លាយជាកាបូបប្រេន លំដាប់ពិភពលោក