អ្នកវិទ្យាសាស្រ្តព្រមានថា ព្យុះព្រះអាទិត្យដ៏ធំ នឹងវាយប្រហារភពផែនដី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្យុះ​ព្រះអាទិត្យ​ដ៏​ធំ​មួយ​ នឹង​ធ្វើ​ដំណើរ​មក​កាន់​ផែនដី ហើយ​វា​អាច​បង្កឲ្យ​មាន​វិបត្ដិ​អ៊ីនធើណិត​ ទូទាំងពិភពលោក។ នេះបើតាមការព្រមានពីអ្នកវិទ្យាសាស្រ្ត​មកពីរដ្ឋបាលមហាសមុទ្រ និងបរិយាកាសជាតិ សហរដ្ឋអាមេរិក។

អ្នកជំនាញអះអាងថា នៅឆ្នាំ២០២៥ ព្រះអាទិត្យ នឹងឡើងដល់ចំណុចកំពូលនៃវដ្តរបស់ខ្លួន ហើយជាលទ្ធផល ព្យុះព្រះអាទិត្យ នឹងធ្វើដំណើរមកលើផែនដី។

ថ្វីបើនេះ មិនមែនជារឿងចម្លែកដោយសារតែវាបានកើតឡើង២៥ដងរួចមកហើយ ចាប់តាំងពីកំណត់ត្រាចាប់ផ្តើមនៅឆ្នាំ១៧៥៥ក៏ដោយ ប៉ុន្តែអ្នកជំនាញកំពុងព្រួយបារម្ភ ព្រោះវដ្តបច្ចុប្បន្នបានកើនឡើងលឿនជាងធម្មតា ហើយព្យុះទំនងជាមានឥទ្ធិពលខ្លាំងជាង លើកមុនៗ។

ទន្ទឹមនោះ គេក៏ដឹងយ៉ាងច្បាស់ដែរថា ព្យុះព្រះអាទិត្យ គឺមានផ្ទុកជាមួយសន្ទុះអេឡិចត្រូម៉ាញ៉េទិច ដែលអាចបណ្តាលឲ្យមានផលប៉ះពាល់យ៉ាងធ្ងន់ធ្ងរលើភពផែនដី ប្រសិនបើវាមានទំហំធំល្មម ប៉ុន្តែទោះបីជាយ៉ាងណាក៏ដោយ អង្គការ ណាសា មិនទាន់ធ្វើអត្ថាធិប្បាយអំពីព្យុះនេះ នៅឡើយទេ៕

ប្រែសម្រួល៖ Vann Vann

ប្រភព៖ Mirror, Daily Star

ចុចអាន៖ ត្រៀមខ្លួន! ព្យុះព្រះអាទិត្យមួយទៀត កំពុងបោះពួយសំដៅមកផែនដី