ព័ត៌មានអន្ដរជាតិ

ឥណ្ឌា គ្រោងកាត់បន្ថយនាំចេញអង្ករក្នុងបរិមាណដ៏ច្រើនបំផុត

បានផុស

១ year មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

ប្រទេសនាំចេញអង្ករធំជាងគេរបស់ពិភពលោក គឺឥណ្ឌា គ្រោងកាត់បន្ថយការនាំចេញអង្កររហូតដល់ទៅ ៨០ ភាគរយ ចូលទៅក្នុងទីផ្សារ ដោយសារតែបារម្ភពីបញ្ហាអតិផរណាក្នុងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលឥណ្ឌា កំពុងតែពិភាក្សាគ្នាពីបញ្ហាកាត់បន្ថយការនាំចេញអង្ករក្នុងទំហំដ៏ធំសម្បើម ដើម្បីបង្ការហានិភ័យនៃអតិផរណា មុនពេលបោះឆ្នោតមកដល់ រួមជាមួយនឹងបញ្ហាបម្រែបម្រួលអាកាសធាតុពិភពលោក ដែលបង្កឡើងដោយបាតុភូត El Niño ផងដែរ ។

ទន្ទឹមនោះ ផែនការកាត់បន្ថយនេះ នឹងធ្វើឲ្យតម្លៃនៅក្នុងប្រទេសឥណ្ឌាធ្លាក់ចុះផងដែរ ប៉ុន្តែអាចជំរុញឲ្យតម្លៃទីផ្សារអង្ករពិភពលោក កើនឡើងខ្ពស់ ខណៈឥណ្ឌា មានចំណែករហូតដល់ ៤០ ភាគរយ នៃការផ្គត់ផ្គង់អង្ករពិភពលោកទាំងមូល ។

គួរបញ្ជាក់ថា កាលពីឆ្នាំមុន ឥណ្ឌាបានហាមឃាត់ការនាំចេញអង្ករខូច និងដាក់ពន្ធ ២០ ភាគរយលើការនាំចេញអង្ករស និងសម្រូប រួមទាំងរឹតបន្តឹងការនាំចេញស្រូវសាលី និងស្ករផងដែរ ៕

ប្រែសម្រួល៖ នាង រតនៈ

ប្រភព៖ Times of India