ព្រះសង្ឃកូរ៉េមួយអង្គ មិនអនុញ្ញាតឱ្យ Jennie ចូលវត្ត ព្រោះនាងល្បីពេក

ព្រះសង្ឃមួយអង្គនៅកូរ៉េខាងត្បូង បានទម្លាយរឿងពិតមួយថា មុនពេល Kim Jennie ចូលរួមសម្ដែងក្នុងខ្សែភាពយន្តរឿង “The Idol” នាងធ្លាប់សុំអនុញ្ញាតចូលវត្តដើម្បីថតរឿង តែព្រះតេជគុណបានបដិសេដ ​ព្រោះតែភាពល្បីល្បាញរបស់តារា Kpop រូបនេះ។

ថ្មីៗនេះ នៅក្នុងបទសម្ភាសន៍មួយជាមួយព្រះសង្ឃមួយអង្គ បានចែករំលែកថា Jennie សមាជិកក្រុម BLACKPINK ធ្លាប់ទៅវត្តដើម្បីសុំថតរឿង ប៉ុន្តែមិនបានសម្រេចនោះទេ ដោយសារព្រះសង្ឃរាជពុំយល់ព្រម។ ព្រះសង្ឃអង្គនេះ មានសង្ឃដីកាថា ដោយសារប្រជាប្រិយភាពរបស់ Jennie ល្បីល្បាញកម្រិតពិភពលោក ទើបព្រះតេជគុណបដិសេធយ៉ាងដូច្នេះ។ មូលហេតុដែលព្រះតេជគុណបដិសេដវត្តមានរបស់ Jennie ព្រោះតែមិនចង់ឱ្យព្រះវិហារ និងវត្តអារ៉ាមក្លាយជាកន្លែងពាណិជ្ជកម្មនោះទេ ជាពិសេសអ្នកគាំទ្ររបស់ Jennie នឹងសម្រុកទៅវត្តច្រើនពេក រហូតដល់ស្ទះមិនខាន​។

បន្ទាប់ពីមិនបានថតនៅវត្តមួយនោះ មិន​យូរ​ប៉ុន្មាន Jennie បាន​បង្ហាញ​ខ្លួន​ជា​ផ្លូវ​ការ​ជា​តារា​សម្ដែង​​ក្នុង​គម្រោង​រឿង “The Idol” ដែល​ផលិត​ដោយ The Weeknd ហើយនាងទទួលបានការគាំទ្រយ៉ាងច្រើនពីទស្សនិកជន ជាពិសេស Blinks តែម្ដង៕

ប្រែសម្រួល៖ សន្យា

ចុចអាន៖ ប្រឡូកពិភពតន្ត្រីជាង ៧ឆ្នាំ ក្រុម BLACKPINK ចេញចម្រៀងបាន ៧០បទ

ចុចអាន៖ សម្ដែងលើកដំបូង Jennie ត្រូវទស្សនាវដ្ដី Forbes លើកសរសើរ និងចង់ឱ្យឈ្នះពានរង្វាន់អន្តរជាតិ