ជីវិតកម្សាន្ដ

តារាស្រីតំណាងឲ្យកាបូប Birkin ទទួលមរណភាពនៅវ័យ ៧៦ ឆ្នាំ

បានផុស

២ years មុន

នៅ

ថ្ងៃចន្ទ ១៧ កក្កដា ២០២៣

ដោយ

តារាចម្រៀង និងសម្ដែង Jane Birkin កូនកាត់បារាំង-អង់គ្លេស បានទទួលមរណភាពក្នុងវ័យ ៧៦ ឆ្នាំ ដោយសារជំងឺដាច់សរសៃឈាមខួរក្បាល កាលពីថ្ងៃទី១៦ ខែកក្កដា ឆ្នាំ ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Jane មានកេរិ៍្តឈ្មោះរីកសុះសាយ ពេលថតបទ “Je T’aime…moi non plus” និងមានទំនាក់ទំនងជាមួយអ្នកនិពន្ធបទចម្រៀងឈ្មោះ Serge Gainsbourg ។ មិនតែប៉ុណ្ណោះ Jane ក៏ជាអ្នកបង្កើតគំនិតផលិតកាបូប Birkin ដែលជាកាបូបដ៏មានតម្លៃខ្ពស់ខ្លាំង និងមិនមែនគ្រប់គ្នាសុទ្ធតែអាចទិញវាបាននោះទេ ។

តាមពិត តារាស្រីរូបនេះកើតនៅទីក្រុងឡុងដ៍ ហើយប្ដូរទៅរស់នៅបារាំងក្នុងអំឡុងឆ្នាំ ១៩៧០ ។ លុះដល់ឆ្នាំ ១៩៨១ Jane បានជួបជាមួយនាយកប្រតិបត្តិ Hermès លោក Jean louis dumas នៅលើយន្តហោះ ពេលធ្វើដំណើរទៅទីក្រុងឡុងដ៍ ។

គ្រានោះ លោក Dumas ឃើញ Jane ដាក់របស់ក្នុងកន្ត្រកមួយសែនរញ៉េរញ៉ៃ ទើបគាត់ផ្តល់ដំបូន្មានថា នាងគួរតែមានកាបូបធំមួយ ស្រាប់តែ Jane ទាញយកខ្មៅដៃមករចនាកាបូប Birkin តែម្ដង ។

ជាការពិតណាស់ Hermès Birkin ត្រូវបានដាក់ឈ្មោះតាម Jane Birkin និងចេញលក់លើកដំបូងក្នុងឆ្នាំ ១៩៨៤ ។ យោងតាមទស្សនាវដ្តី Forbes និង Bloomberg Business បានឲ្យដឹងថា កាបូប Hermès បានកើនឡើង ៤៣០ ភាគរយ ចាប់តាំងពីខែមីនា ឆ្នាំ ២០២០ មក ហើយវាក៏ជាការវិនិយោគផ្នែកហិរញ្ញវត្ថុប្រសើរជាងភាគហ៊ុន ឬមាសទៅទៀត ៕

ប្រែសម្រួល៖ វារី

ប្រភព៖ BBC

ចុចអាន៖ មកដឹងកាន់តែច្បាស់ពីកាបូប Birkin តម្លៃរាប់ម៉ឺនដុល្លារ