នយោបាយ
អតីតសមាជិកគណៈកម្មាធិការនាយក នៃអតីត cnrp ទទួលបាននីតិសម្បទា ដើម្បីធ្វើនយោបាយឡើងវិញ
អតីតសមាជិកគណៈកម្មាធិការនាយក នៃអតីតគណបក្សសង្គ្រោះជាតិ (CNRP) លោក ស៊ុន សុភ័ក្ត្រ ទទួលបាននីតិសម្បទា ដើម្បីធ្វើនយោបាយឡើងវិញហើយ។
នេះបើតាមព្រះរាជក្រឹត្យរបស់ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចុះថ្ងៃទី១០ ខែតុលា ឆ្នាំ២០២០។
លោក ស៊ុន សុភ័ក្ត្រ មានអាយុ៣៧ឆ្នាំ ស្ថិតនៅលំដាប់លេខរៀងទី៤០ នៅក្នុងបញ្ជីរាយនាមថ្នាក់ដឹកនាំគណបក្សសង្គ្រោះជាតិ ដែលត្រូវបានហាមឃាត់ធ្វើនយោបាយរយៈពេល៥ឆ្នាំ។
លោក ស៊ុន សុភ័ក្ត្រ មានស្រុកកំណើតនៅភូមិព្រែកលីវទី១ ឃុំរការអារ ស្រុកកងមាស ខេត្តកំពង់ចាម ហើយទីលំនៅបច្ចុប្បន្ននៅភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
នៅក្នុងលិខិតដែលបានដាក់ជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស៊ុន សុភ័ក្ត្រ បានលើកឡើងថា ខ្លួនកំពុងស្ថិតនៅក្នុងការហាមឃាត់មិនឲ្យធ្វើសកម្មភាពនយោបាយ សម្រាប់រយៈពេល៥ឆ្នាំ តាមអំណាចសាលដីកាលេខ៣៤០(ឆ) ករណីគណបក្សសង្គ្រោះជាតិ ចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល។ ដោយផ្អែកតាមមាត្រា៤៥ថ្មី (ស្ទួនមួយ) នៃច្បាប់ស្តីពីគណបក្សនយោបាយ ដែលបង្កលក្ខណៈឲ្យអ្នកដែលត្រូវបានឃាមឃាត់មិនឲ្យធ្វើសកម្មភាពនយោបាយ អាចទទួលបាន នីតិសម្បទា ធ្វើនយោបាយឡើងវិញ ដូច្នេះលោកស្នើសុំ សម្ដេចក្រឡាហោម មេត្តាពិនិត្យតាមនីតិវិធី ដើម្បីផ្តល់នីតិសម្បទាធ្វើនយោបាយឡើងវិញ។
គួរបញ្ជាក់ថា មកដល់ពេលនេះ អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ ដែលទទួលបានសិទ្ធិធ្វើនយោបាយឡើងវិញមានចំនួន១៣នាក់ហើយរួមមាន ៖ ទី១. លោក គង់ គាំ ,ទី២. លោក គង់ បូរ៉ា ,ទី៣. លោក រៀល ខេមរិន្ទ្រ ,ទី៤. លោក ជីវ កត្តា ,ទី៥. លោក កង គឹមហាក់, ទី៦. លោក អ៊ូ ច័ន្ទរ័ត្ន ,ទី៧. លោក ច័ន្ធ សិលា ,ទី៨. លោកស្រី ទេព សិទ្ធី, ទី៩. លោក ស៊ិន សុវណ្ណនី ,ទី១០. លោក សុន ឆ័យ ,ទី១១. លោក តាវ គឹមឈន ,ទី១២. លោក វ៉ា សាម៉ុន ,និងទី១៣. លោក ស៊ុន សុភ័ក្ត្រ។
សម្រាប់អ្នកដែលទទួលបាននីតិសម្បទា ដើម្បីធ្វើនយោបាយឡើងវិញ សុទ្ធតែត្រូវបានក្រុមលោក សម រង្ស៊ី និយមចោទថា ជាជនក្បត់បក្ស។ ក្នុងចំណោមអ្នកទាំងនោះ មានអ្នកខ្លះ ក៏បានបង្កើតគណបក្សថ្មី ហើយចូលរួមធ្វើនយោបាយជាមួយគណបក្សផ្សេង៕
អត្ថបទ ៖ កោះកែវ
សន្ទស្សន៍ទំនុកចិត្តឧស្សាហកម្មថៃ ធ្លាក់ចុះក្នុងខែធ្នូ ដោយកម្សោយតម្រូវការក្នុងស្រុក
ស្នងការរាជធានី៖ កំណាត់ផ្លូវ៦០ម៉ែត្រនឹងត្រូវចាប់ល្បឿនកំណត់ពីពេលនេះតទៅ
តើរាជរដ្ឋាភិបាលកម្ពុជាបានគិតគូ និងដាក់ចេញវិធានការអ្វីខ្លះលើបញ្ហាកសិផល ពិសេសតម្លៃស្រូវ?
មនុស្ស ៦០ នាក់ ស្លាប់ក្នុងអំពើហិង្សារបស់ក្រុមឧទ្ទាមនៅប្រទេស កូឡុំប៊ី
នឹករលឹកអនុស្សាវរីយ៍ ១៩ឆ្នាំ ! ឧកញ៉ា ព្រាប សុវត្ថិ ថានឹងទៅជួបដំរី ឡាក់គី ឆាប់ៗនេះ
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
មិនដល់មួយខែផង ភ្នំភ្លើង Ibu នៅឥណ្ឌូណេស៊ី ផ្ទុះជាង ១ ០០០ដងហើយ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៣ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ចរាចរណ៍៩ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ