សេដ្ឋកិច្ច
ទេសចរ កម្ពុជា សម្រុកទៅលេងនៅ វៀតណាម ខណៈម្នាក់ៗចំណាយ ៨០០ ទៅ ៩០០ ដុល្លារ
អាជ្ញាធរវៀតណាមបានបញ្ជាក់ថា ទេសចរកម្ពុជា គឺជាផ្នែកដ៏មានសក្តានុពលមួយសម្រាប់វិស័យទេសចរណ៍របស់ខ្លួន ខណៈឆមាសទីមួយនៃឆ្នាំនេះ ប្រជាជនកម្ពុជាចំនួន ១៩៨,០០០ នាក់បានទៅលេងវៀតណាម ហើយក៏ជាកម្រិតស្ទុះងើបឡើងវិញលឿនបំផុតផងដែរ ក្នុងកំណើន ៣៣៨ ភាគរយ បើប្រៀបធៀបនឹងកម្រិត មុនរោគរាតត្បាតកូវីដ ១៩ ។
លោក Tran Quoc Thinh នាយកមជ្ឈមណ្ឌលផ្សព្វផ្សាយទេសចរណ៍ខេត្ត Tay Ninh ដែលមានព្រំដែនជាប់កម្ពុជា បាននិយាយថា ច្រកទ្វារព្រំដែន Moc Bai គឺជាច្រកផ្លូវដ៏សំខាន់មួយដើម្បីស្វាគមន៍ភ្ញៀវទេសចរកម្ពុជាទៅកាន់ប្រទេសវៀតណាម ។ លោកបញ្ជាក់ថា បច្ចុប្បន្នក្រុមអ្នកទេសចរលំដាប់ខ្ពស់កម្ពុជា ភាគច្រើនធ្វើដំណើរទៅកាន់ទីក្រុង Tay Ninh និងហូជីមិញ ដើម្បីព្យាបាលជំងឺផង និងដើរកម្សាន្តនៅទីនោះផង ។
ស្របពេលជាមួយគ្នានេះ លោកស្រី Phan Huynh Phuong Hoang អគ្គនាយករងនៃប្រតិបត្តិករទេសចរណ៍ Vietravel បានលើកឡើងស្រដៀងគ្នានេះថា ទេសចរកម្ពុជាភាគច្រើនមកប្រទេសវៀតណាម គឺក្នុងគោលបំណងព្យាបាលជំងឺ ប៉ុន្តែក្រៅពីនេះ ទេសចរកម្ពុជា ក៏បានសម្រុកទៅលេងខេត្តជាប់ព្រំដែន ដើម្បីសម្រាកលំហែកាយនៅរមណីយដ្ឋានលំដាប់ខ្ពស់ និងទំនើបនាចុងសប្ដាហ៍ផងដែរ ។
ទន្ទឹមនោះ យោងតាមរបាយការណ៍របស់អាជ្ញាធរវៀតណាមបានឲ្យដឹងថា ទេសចរកម្ពុជាក្នុងម្នាក់ៗចំណាយប្រាក់ ៨០០ ទៅ ៩០០ ដុល្លារសម្រាប់ដំណើរកម្សាន្តទៅកាន់ទីក្រុងហាណូយ និងទីក្រុងឆ្នេរខ្សាច់ Ha Long ភាគខាងជើងប្រទេសវៀតណាម ខណៈដែលការចំណាយនេះ គឺស្មើនឹងតម្លៃធ្វើដំណើរកម្សាន្តទៅកាន់ប្រទេសកូរ៉េខាងត្បូង ។
គួរឲ្យដឹងថា ទេសចរកម្ពុជាដែលទៅលេងវៀតណាម ចែកចេញជា ៣ ប្រភេទ គឺទេសចរមកពីខេត្តចំនួន ៣ ជាប់នឹងខេត្ត Tay Ninh សម្រាប់ដំណើរទេសចរណ៍ប្រចាំថ្ងៃ ។ ទី២ ភ្ញៀវទេសចរប្រណីតមកពីរាជធានីភ្នំពេញ និងសៀមរាប ដែលធ្វើដំណើរទៅប្រទេសវៀតណាម ដើម្បីស្វែងរកសេវាព្យាបាលជំងឺ ខណៈទី៣ ភ្ញៀវទេសចរកម្ពុជាជ្រើសរើសការសម្រាកលំហែកាយរយៈពេលវែងក្នុងរមណីយដ្ឋានលំដាប់ខ្ពស់នៅកោះ Phu Quoc, ទីក្រុង Da Lat និងទីក្រុងកំពង់ផែ Vung Tau ៕
ប្រែសម្រួល៖ នាង រតនៈ
ប្រភព៖ VN Express
-
ព័ត៌មានជាតិ៧ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១៩ ម៉ោង ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ជីវិតកម្សាន្ដ១៨ ម៉ោង ago
លោក លៀក លីដា បង្ហាញការខកចិត្តចំពោះការរិះគន់របស់ Allan