កីឡា
សមាជិកថ្មីព្រះខ័នរាជស្វាយរៀង Bounphachan មានប្រវត្តិយ៉ាងណា?
នៅរសៀលថ្ងៃចន្ទ ទី១៧ ខែកក្កដានេះ ក្លិបព្រះខ័នរាជស្វាយរៀងបានប្រកាសជាផ្លូវការពីការនាំចូលសមាជិកថ្មី Bounphachan Bounkong ជាកីឡាករជម្រើសជាតិឡាវស្របតាមកូតាកីឡាករអាស៊ាន។
ការនាំយកកីឡាករសញ្ជាតិឡាវកីឡាករ Bounphachan Bounkong មកកាន់លីគកំពូលកម្ពុជា ខេមបូឌានព្រីមៀរលីគ គឺជាការដោះដូរកីឡាករគួរឲ្យចាប់អារម្មណ៍មួយសម្រាប់រដូវកាលថ្មីនេះ។
កីឡាករវ័យ ២២ ឆ្នាំរូបនេះជាតារាបាល់ទាត់ឆ្នើមម្នាក់របស់ក្រុមបាល់ទាត់ជម្រើសជាតិឡាវ និងក្លិបបាល់ទាត់អាជីព Young Elephants ដែលជាជើងឯករបស់លីគបាល់ទាត់កំពូលប្រទេសឡាវចាប់ពីឆ្នាំ២០១៨រហូតដល់ឆ្នាំ២០២៣មុនពេលផ្លាស់មកក្លិបលីគកំពូលកម្ពុជារដូវកាល២០២៣-២៤។
ក្នុងនាមជាខ្សែបម្រើប្រយុទ្ធ Bounphachan Bounkong បានជួយឲ្យក្លិប Young Elephants ឈ្នះជើងឯកលីគកំពូលឡាវ២រដូវកាលគឺឆ្នាំ២០២២ និង២០២៣។ ជាមួយគ្នានេះ រូបគេក៏បានជួយក្លិបឲ្យពានរង្វាន់ Lao Cup Winner ២លើកដែរគឺឆ្នាំ២០២២ និង២០២៣។
រូបគេក៏បានឈ្នះពានរង្វាន់ជាកីឡាករឆ្នើមបំផុតនៅក្នុងលីគកំពូលប្រទេសឡាវរដូវកាល ២០២២-២៣។
កីឡាករ Bounphachan Bounkong បង្ហាញខ្លួនលើទីលានឲ្យក្លិប Young Elephants បានចំនួន៥៨លើក ក្នុងនោះស៊ុតចូលបាន៤០គ្រាប់គិតចាប់តាំងពីឆ្នាំ២០១៨ ប៉ុន្តែក្លិបអាជីពដំបូងគឺ Sovan United ពីឆ្នាំ២០១៥-២០១៦ រូបគេរកបាន៦គ្រាប់ក្នុងការបង្ហាញខ្លួន១០លើក។
ចំណែកនៅក្រុមជម្រើសជាតិឡាវវិញ Bounphachan Bounkong បានជាប់តាំងពីយុវជនអាយុក្រោម១៩ឆ្នាំរហូតដល់ឈុតធំ។ រូបគេបានបង្ហាញខ្លួនយុវជនជម្រើសជាតិអាយុក្រោម១៩ឆ្នាំបាន៦ដងក្នុងនោះស៊ុតបាន៦គ្រាប់។ រូបគេបង្ហាញខ្លួនឲ្យជម្រើសជាតិឡាវអាយុក្រោម២៣ឆ្នាំបាន១០ដង រកបាន៥គ្រាប់ និងបង្ហាញខ្លួនឲ្យឈុតធំ១០ដងរកបាន៤គ្រាប់។
រូបគេបានក្លាយជាកីឡាករឆ្នើមបំផុតប្រចាំព្រឹត្តិការណ៍ AFF U-23 Championship ដែលរៀបចំការប្រកួតនៅប្រទេសកម្ពុជាឆ្នាំ២០២២ បន្ទាប់ពីស៊ុតចូលម៉ាឡេស៊ី២គ្រាប់ ជួយឲ្យ U23 ឡើងវគ្គពាក់កណ្តាលផ្តាច់ព្រ័ត្រ។
ការបោះជំហានចូលលីគកំពូលកម្ពុជាមួយក្លិបព្រះខ័នរាជស្វាយរៀងជាជោគជ័យមួយទៀតសម្រាប់ការអភិវឌ្ឍបាល់ទាត់របស់ខ្លួន ស្របពេលវិស័យបាល់ទាត់កម្ពុជាមានការប្រកួតប្រជែងខ្លាំងជាងឡាវ។
រហូតដល់ពេលនេះ ក្លិបព្រះខ័នរាជស្វាយរៀងបានត្រៀមកីឡាករកូតាបរទេសគ្រប់ចំនួនហើយសម្រាប់រដូវកាលថ្មីគឺកីឡាករជប៉ុន២នាក់ កីឡាករប្រេស៊ីល២នាក់ កីឡាករកាណាដា១នាក់ និងកីឡាករឡាវម្នាក់។
សូមបញ្ជាក់ថា ខេមបូឌានព្រីមៀរលីគនៅរដូវកាលថ្មី២០២៣-២៤ ដែលនឹងចាប់ផ្តើមនៅថ្ងៃ សៅរ៍ ទី ៥ ខែសីហា ខាងមុខនេះគឺតម្រូវឲ្យគ្រប់ក្លិបទាំងអស់ចុះកុងត្រាបររទេសចំនួន៦រូបគឺកីឡាករអាស៊ាន (AFF)១នាក់ កីឡាករអាស៊ី (AFC) ១នាក់ និងកីឡាករតំបន់ផ្សេង៤នាក់៕
អត្ថបទ៖ ផា រតនា
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ