អ្នកគាំទ្រ Taylor Swift ចាញ់បោកគេអស់ជាង ៤៥០០០ ដុល្លារ ដើម្បីទិញសំបុត្រទៅប្រគំតន្ត្រី

ថ្មីៗនេះ មាននារីមិនបញ្ចេញអត្តសញ្ញាណម្នាក់ចាញ់បោកគេតាមវេបសាយទិញអីវ៉ាន់ Carousell របស់ប្រទេសសិង្ហបុរី ដោយសារតែជាវសំបុត្រទៅមើលការប្រគំតន្ត្រី Taylor Swift នៅខែមីនា ឆ្នាំ២០២៤ ខាងមុខនេះ ។

ដើមឡើយអ្នកលក់បានព្រមព្រៀងលក់សំបុត្រ ៣ សន្លឹក ទៅនារីរងគ្រោះតម្លៃ ៧០០ ដុល្លារ ធ្វើឲ្យនាងសប្បាយចិត្តយ៉ាងខ្លាំង ប៉ុន្តែគ្រាន់តែប្រគល់ប្រាក់តាម PayNow ភ្លាម ជនបោកប្រាស់បានប្លុកអ្នកទិញភ្លែត ទាំងក្នុង Carousell និង WhatsApp ។

នារីជាជនរងគ្រោះខាងលើគឺស្ថិតក្នុងចំណោមមនុស្ស ៥៤ នាក់ទៀត ដែលសរុបទឹកប្រាក់ជាង ៤៥,០០០ ដុល្លារ ដែលកើតឡើងក្នុងរយៈពេលមិនដល់ ១ សប្ដាហ៍ផង ។

គួរជម្រាបថា ការប្រគំតន្ត្រី Swift’s The Eras Tour នឹងធ្វើឡើងចំនួន ៦ យប់នៅពហុកីឡដ្ឋានជាតិ ចាប់ពីថ្ងៃទី០១ ដល់ថ្ងៃទី០៤ ខែមីនា និងពីថ្ងៃទី០៧ ដល់ថ្ងៃទី០៩ ខែមីនា ឆ្នាំ ២០២៤ ។ ក្នុងនោះមានអ្នកគាំទ្រចូលរួមប្រហែល ៣០០,០០០ នាក់ ខណៈឯសំបុត្រវិញ មានតម្លៃចន្លោះពី ៨៨ ដុល្លារ ទៅ ១,២២៨ ដុល្លារ ប៉ុន្តែលក់អស់តាំងពី ២ ថ្ងៃដំបូងមកម្ល៉េះ ៕

ប្រែសម្រួល៖ វារី

ប្រភព៖ asianone

ចុចអាន៖ ហ្គីតាសំណព្វ Taylor Swift ដាក់ដេញថ្លៃជាង ១០ម៉ឺនដុល្លារ ដើម្បីយកប្រាក់ជួយកុមារមហារីក