Starbucks សម្ពោធផលិតផលសហការជាមួយ BLACKPINK តែហ្វេនមិនចាប់អាម្មណ៍

ក្រុមហ៊ុនកាហ្វេលំដាប់ពិភពលោក Starbucks ប្រចាំការនៅកូរ៉េខាងត្បូង នឹង​ធ្វើការសហការ​គ្នា​​ជាមួយក្រុម​ចម្រៀង​នារី BLACKPINK ក្នុង​ពេល​ឆាប់ៗ​នេះ ជាមួយនឹងការរចនាផ្សេងគ្នាសម្រាប់ពែងត្រជាក់ និងក្ដៅជាច្រើនជម្រើស ប៉ុន្តែអ្នកគាំទ្រមិនសូវចាប់អារម្មណ៍នោះទេ ព្រោះតែតម្លៃ និងម៉ូដរបស់វា។

ក្នុងនោះក្រុមហ៊ុនបានបង្ហាញពីការរចនាពែងកាហ្វេរបស់ Lisa ដែលជាជាពែងត្រជាក់ដែលធ្វើពីលោហធាតុពណ៌ផ្កាឈូក។ វាផលិតពីដែកអ៊ីណុក មានសមត្ថភាពរក្សាសីតុណ្ហភាពត្រជាក់បានយូរបំផុត ខណៈតម្លៃរបស់ពែងនេះគឺ ៩៥,០០០វ៉ុន (ប្រហែល ៧៥ដុល្លារអាមេរិក) ។

ចំណែកឈុតផ្សេងទៀតនៅក្នុង​ Collection របស់​ Lisa រួមមាន ដបទឹកដែលមានចំណងជើងបទចម្រៀងរបស់នាង និងកែវត្រជាក់ពណ៌ខ្មៅ។

ដោយឡែកជម្រើសរបស់ Jisoo គឺពែងត្រជាក់ពណ៌ផ្កាឈូកដែលមានតម្លៃ ៣២,០០០វ៉ុន (ប្រហែល ២៥.៣ដុល្លារអាមេរិក)។ រីឯ​​ជម្រើសរបស់ Rosé ជាពែងទឹកពណ៌ផ្កាឈូក ដែលមានតម្លៃ ២៥,០០០វ៉ុន (ប្រហែល ១៩.៧ដុល្លារ)។ ចំពោះជម្រើសរបស់ Jennie ឯណោះវិញ ជាកែវសេរ៉ាមិចពណ៌ផ្កាឈូក មានតម្លៃ ២៧,០០០វ៉ុន (ប្រហែល ២១.៣ដុល្លារ) ។

ក្រៅពីនោះអ្នកគាំទ្រក៏អាចទិញកាបូប BLACKPINK កាបូបដាក់លិខិតឆ្លងដែន និងកូនសោរផងដែរ។ យ៉ាងណាមិញ​ ជម្រើសនៃការចនាទាំងនេះ មិនទទួលបានការគាំទ្រឡើយ ត្បិតតម្លៃហួសពីទីផ្សារ ហើយពុំទាក់ទាញ៕

ប្រែសម្រួល៖ សន្យា

ចុចអាន៖ ក្រុម BLACKPINK បង្កើតប្រវត្តិសាស្ត្រថ្មីនៅលើ YouTube

ចុចអាន៖ ស្ថានភាពជីវិត សាន់ ឆាយ តួឯកស្រីរឿង F4 តៃវ៉ាន់ ក្រោយចប់ការចាក់ផ្សាយ ២២ឆ្នាំ