ព័ត៌មានជាតិ
បេក្ខជនតំណាងរាស្ត្រពេញសិទ្ធិ និងជាប្រធានក្រុមការងារចុះជួយមូលដ្ឋានខេត្តប៉ៃលិន ជឿជាក់ថា ការបោះឆ្នោតនៅអាណត្តិទី៧ គណបក្សប្រជាជនកម្ពុជា និងបន្តឈ្នះឆ្នោតភ្លូកទឹកភ្លូកដី
ប៉ៃលិន ៖ ថ្លែងក្នុងយុទ្ធនាការបិទបញ្ចប់នៃការឃោសនារកសម្លេងឆ្នោត នាព្រឹកថ្ងៃទី២១ ខែកក្កដា ឆ្នាំ២០២៣ លោក អ៊ី ឈាន បេក្ខជនតំណាងរាស្ត្រពេញសិទ្ធិ និងជាប្រធានក្រុមការងារចុះជួយមូលដ្ឋានខេត្តប៉ៃលិន មានភាពជឿជាក់ថា សម្រាប់ក្របខណ្ឌខេត្តប៉ៃលិន គណបក្សប្រជាជនកម្ពុជា នឹងទទួលបានសម្លេងគាំទ្រពីប្រជាពលរដ្ឋយ៉ាងច្រើនលើសលប់ និយាយជារួមគឺ ឈ្នះភ្លូកទឹកភ្លូកដី។
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-12-1024x938.jpg)
នេះដោយមើលឃើញពីការចូលរួមយ៉ាងផុលផុស និងគ្រប់ទីកន្លែង របស់ប្រជាពលរដ្ឋ ដែលជាសមាជិកសមាជិកា ដែលគាំទ្រនិងស្រឡាញ់គណបក្សប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន។ លោក អ៊ី ឈាន ក៏បានថ្លែងអំណរគុណ និងកោតសរសើរចំពោះថ្នាក់ដឹកនាំ សមាជិក សមាជិកាគណបក្សប្រជាជនកម្ពុជា ដែលបានចូលរួមអនុវត្តការងារយ៉ាងយកចិត្តទុកដាក់ ក្នុងនោះរយៈពេល២០ថ្ងៃពេញ ក្រុមការងារចុះជួយគ្រប់ជាន់ថ្នាក់ បានចុះតាមខ្នងផ្ទះ ដើម្បីណែនាំដល់ប្រជាពលរដ្ឋ ពីពេលវេលា ទីតាំង និងឯកសារដែលត្រូវយកទៅបោះឆ្នោត។
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-13-1024x682.jpg)
ជាមួយគ្នានេះ លោកបានថ្លែងអំណរគុណ ដល់ប្រជាពលរដ្ឋ ជាក្រុមគ្រួសារគណបក្សប្រជាជនទាំងអស់ ដែលបានចូលរួមជីវភាពជាមួយគណបក្សប្រជាជន ផ្តល់ទំនុកចិត្ត និងភាពជឿជាក់មកលើគណបក្សប្រជាជន រួមទាំងចេញទៅបោះឆ្នោតជូនគណបក្សប្រជាជនផងដែរ។
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-14-1024x682.jpg)
ទន្ទឹមនោះលោកស្រី បាន ស្រីមុំ អភិបាលខេត្តប៉ៃលិន បានគូសបញ្ជាក់ថា ការដឹកនាំរបស់គណបក្សប្រជាជនគឺដឹកនាំប្រកបដោយគោលនយោបាយច្បាស់លាស់ ចក្ខុវិស័យវែងឆ្ងាយ ដោយពឹងផ្អែកលើបទពិសោធន៍ដឹកនាំ។ រយៈពេល ៤៤ ឆ្នាំចុងក្រោយនេះ គណបក្សប្រជាជនកម្ពុជា បាននាំមកនូវការអភិវឌ្ឍនិងការរីកចម្រើនបន្ទាប់ពីកម្ពុជាបានឆ្លងកាត់បទពិសោធន៍ដ៏ជូរចត់កន្លងមក។
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-7-1-1024x682.jpg)
លោកស្រី បានបន្ថែមថា រាជរដ្ឋាភិបាល ដែលដឹកនាំដោយ CPP គឺបេជ្ញាចិត្តបម្រើប្រជាជន និងបន្តអនុវត្តគោលនយោបាយបក្សដើម្បីផលប្រយោជន៍ប្រទេសជាតិ។ លោកស្រី ក៏បានរំលេចថា ក្រោមម្លប់នៃសន្តិភាព គណបក្សបក្សប្រជាជនបានប្រើឱកាសបន្ថែមដើម្បីលើកស្ទួយជីវភាពប្រជាជនទូទៅមិនថា បងប្អូនកម្មករ កម្មការិនី មន្ត្រីរាជការ អាជីវករជាដើម។
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-21-1024x682.jpg)
លោកស្រីបានបន្ថែមថា បើសិនគណបក្សប្រជាជនកម្ពុជាទទួលបានជ័យជម្នះគឺ អត្ថប្រយោជន៍ទាំងអស់របស់ប្រជាជននឹងថែរក្សា រួមទាំងកើនឡើងបន្ថែមទៀតផងដែរ៕
អត្ថបទ ៖ សេង សុវណ្ណារិទ្ធ
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-1-1024x682.jpg)
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-5-1024x793.jpg)
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-15-1024x682.jpg)
![](https://www.kampucheathmey.com/wp-content/uploads/2023/07/សេង-សុវណ្ណារិទ្ធ-18-1024x682.jpg)
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក