ព័ត៌មានអន្ដរជាតិ
អាមេរិក ធានាការពារប៉ូឡូញ បើអ្នកណា ហ៊ានវាយប្រហារ
ទីក្រុងវ៉ាស៊ីនតោន នឹងការពារប្រទេសប៉ូឡូញ ក្នុងករណីមានការវាយប្រហារពីបរទេស។ នេះបើតាមការអះអាងពីអ្នកនាំពាក្យក្រសួងការបរទេសអាមេរិកលោក Matthew Miller ទៅកាន់អ្នកយកព័ត៌មានកាលពីថ្ងៃចន្ទទី២៤ខែកក្កដា ខណៈមានពាក្យចចាមអារ៉ាមថា អ្នកប្រយុទ្ធមកពីក្រុមហ៊ុនយោធាឯកជន Wagner ដែលបច្ចុប្បន្នឈរជើងនៅប្រទេសបេឡារុស កំពុងមានបំណងចូលទៅក្នុងរដ្ឋជិតខាង។
អំឡុងសន្និសីទសារព័ត៌មានប្រចាំថ្ងៃ លោក Miller ត្រូវបានគេសួរអំពីសេចក្តីថ្លែងការណ៍របស់ប្រធានាធិបតីបេឡារុស Alexander Lukashenko ដែលអះអាងថា ក្រុមទាហានស៊ីឈ្នួល Wagner មានបំណងចង់ដោះស្រាយជាមួយអ្នកដែលផ្តល់អាវុធដល់អ៊ុយក្រែន ហើយលើកឡើងថា ពួកគេអាចធ្វើដំណើរទៅកាន់ទីក្រុង វ៉ាសូវី។
លោក Miller និយាយថា “ខ្ញុំមិនដឹងថា អ្នកគិតបែបណាទេ។ ខ្ញុំគ្រាន់តែចង់បញ្ជាក់ឡើងវិញថា សម្ព័ន្ធភាពរបស់យើងជាមួយប៉ូឡូញគឺរឹងមាំ។ ប៉ូឡូញជាសមាជិកណាតូ ហើយយើងនឹងការពារទឹកដីណាតូគ្រប់ចង្អាមទាំងអស់ បើចាំបាច់”។
គួរបញ្ជាក់ថា អ្នកប្រយុទ្ធ Wagner ជាច្រើនពាន់នាក់ បានផ្លាស់ប្តូរទីតាំងទៅកាន់ប្រទេសបេឡារុស ក្នុងរយៈពេលមួយខែកន្លងមកនេះ បន្ទាប់ពីការបះបោរបរាជ័យនៅរុស្ស៊ី ហើយមេដឹកនាំបេឡារុស ដែលទៅបំពេញទស្សនកិច្ចនៅទីក្រុងមូស្គូកាលពីចុងសប្តាហ៍ បានប្រាប់ប្រធានាធិបតីវ្ល៉ាឌីមៀរ ពូទីន ថា គាត់ព្រួយបារម្ភចំពោះបំណងរបស់ពួកគេក្នុងការឆ្លងដែនចូលប្រទេសប៉ូឡូញ។
ទន្ទឹមនោះ លោក Lukashenko ក៏បានលើកឡើងជាពិសេសអំពីមជ្ឈមណ្ឌល Rzeszow ដែលជាមជ្ឈមណ្ឌលសម្រាប់កិច្ចខិតខំប្រឹងប្រែងរបស់ណាតូ ដើម្បីផ្គត់ផ្គង់ដល់អ៊ុយក្រែននូវអាវុធ គ្រាប់រំសេវ ឧបករណ៍ និងការជួសជុលផងដែរ ៕
ប្រែសម្រួល៖ Vann Vann
ប្រភព៖ RT
ចុចអាន៖ ប៉ូឡូញ សន្យាផ្តល់ យន្តហោះចម្បាំងបន្ថែមទៀតទៅឲ្យ អ៊ុយក្រែន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា