ព័ត៌មានជាតិ
ឈប់លើកលែង! ម្ចាស់ស្ថានីយប្រេងឥន្ធនៈ លក់សាំងមិនគ្រប់លីត្រ បញ្ជូនទៅចាត់ការតាមច្បាប់
មន្ត្រីជាន់ខ្ពស់នៃអគ្គនាយកដ្ឋាន ការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ បានធ្វើការណែនាំបន្ថែមទៀត ក៏ដូចជាក្រើនរំលឹកទៅដល់ម្ចាស់ស្ថានីយ និងម្ចាស់ដេប៉ូប្រេងឥន្ធនៈ ដែលកំពុងតែប្រកបអាជីវកម្មត្រូវតែស្មោះត្រង់នឹងអតិថិជន ដោយមិនត្រូវលក់ប្រេងឥន្ធនៈមិនគ្រប់លីត្រ និងគ្មានគុណភាពនោះទេ ។
លោក ឌឹម ថេង អគ្គនាយករងនៃអគ្គនាយកដ្ឋាន ក.ប.ប ថ្លែងនៅក្នុងវគ្គផ្សព្វផ្សាយស្តីពីការយល់ដឹងច្បាប់ និងបទបញ្ញត្តិពាក់ព័ន្ធ នឹងការចែកចាយផ្គត់ផ្គង់ប្រេងឥន្ធនៈនៅកម្ពុជាដល់ម្ចាស់ស្ថានីយនិងម្ចាស់ដេប៉ូប្រេងឥន្ធនៈទូទាំងខេត្តតាកែវនាព្រឹកថ្ងៃទី២៧ ខែមករា ឆ្នាំ២០២១។
ក្នុងឆ្នាំ២០២០ កន្លងទៅនេះ មន្ត្រីជំនាញការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ ក.ប.ប សាខាខេត្តតាកែវ បានត្រួតពិនិត្យនៅតាមដេប៉ូលក់ប្រេងឥន្ធនៈជាច្រើននៅក្នុងខេត្ត រកឃើញទីតាំងដេប៉ូលក់ប្រេងឥន្ធនៈចំនួន០៤ បានដាក់លក់ប្រេងសាំង មានកម្រិតអុកតានទាបជាងបទដ្ឋានកំណត់ និងបន្លំគុណភាព។ ក្នុងនោះមានដេប៉ូចែកចាយប្រេងឥន្ធនៈចំនួន២ លក់ប្រេងជូនអតិថិជនមានការលម្អៀង (បាត់បង់) ផ្នែកបរិមាណ។
ចំពោះស្ថានីយដែលមានភាពមិនប្រក្រតីខាងលើនេះ ត្រូវបានមន្ត្រីជំនាញ ក.ប.ប រៀបចំកសាងសំណុំរឿងបញ្ជូនទៅតុលាការ ដោយបានចេញសាលក្រមរួចរាល់ហើយ និងបានផាកពិន័យជាថវិកា យកចូលរដ្ឋទៅតាមគោលការនៃច្បាប់ផងដែរ។
លោកបន្ថែមថា ដើម្បីធានាភាពជឿជាក់របស់អ្នកប្រើប្រាស់ចំពោះ សេវាកម្មផ្គត់ផ្គង់ប្រេងឥន្ធនៈ អគ្គនាយក ក.ប.ប បានដាក់ចេញនូវវិធានការគ្រប់គ្រង់ប្រកបដោយកិច្ចសហការ តម្លាភាពនិងបរិយាប័ន និងដើម្បីជំរុញឲ្យមានការអនុវត្តបានត្រឹមត្រូវ កាត់បន្ថយការកេងបន្លំ ផ្នែកសេដ្ឋកិច្ច ផលប៉ះពាល់សង្គម និងសុខភាពបរិស្ថានដែលអាចកើតមានឡើងតាមរយៈខ្សែចង្វាក់ផ្គត់ផ្គង់ប្រេងឥន្ធនៈ ។
ឆ្លៀតក្នុងឱកាសនោះដែរ លោក ឈួ សុធា អភិបាលរងខេត្តតាកែវ ក៏បានជំរុញឲ្យមន្ត្រីជំនាញ ក.ប.ប សាខាខេត្តតាកែវ ត្រូវបង្កើនការចុះត្រួតពិនិត្យនៅតាមស្ថានីយប្រេងឥន្ធនៈ ដែលមាននៅក្នុងខេត្ត ដើម្បីលុបបំបាត់ឲ្យបានចំពោះម្ចាស់ស្ថានីយ ពីការលក់ប្រេងបន្លំនិងកេងចំនេញលើអ្នកប្រើប្រាស់ ជាពិសេសត្រូវចូលរួមគ្នាទប់ស្កាត់ឲ្យបានលើបញ្ហានេះ ។ជាមួយនឹងការទប់ស្កាត់ ការលក់ក្លែងបន្លំនេះដែរ មន្ត្រីជំនាញក.ប.ប ក៏ត្រូវតែត្រួតពិនិត្យបន្ថែមទៀតលើគុណភាព សុវត្ថិភាព ទំនិញ និងមុខម្ហូបអាហារដែលបងប្អូនប្រជាពលរដ្ឋបរិភោគ និងប្រើប្រាស់ជាប្រចាំ ដែលដាក់តាំងលក់នៅតាមទីផ្សារនានា នៅក្នុងខេត្ត ធ្វើយ៉ាងណាត្រួតពិនិត្យឲ្យបានម៉ត់ចត់ដើម្បីធានាឲ្យបានចំពោះសុវត្ថិភាព និងសុខមាលភាពរបស់បងប្អូនប្រជាពលរដ្ឋ៕
អត្ថបទ ៖ វីរៈ
ឧត្តមសេនីយ៍ឯក ហែម សុវត្ថិ អញ្ជើញដឹកនាំកិច្ចប្រជុំត្រួតពិនិត្យការងារ នាយកដ្ឋានប្រឆាំងបទល្មើសល្បែងពាណិជ្ជកម្ម សម្រាប់ខែមករា និងលើកទិសដៅការងារខែកុម្ភៈ
ពលរដ្ឋក្នុងស្រុកចំនួនពីរ នៃខេត្តរតនគិរី ទទួលបានស្ពានដែកបាឡេមួយដ៏ថ្មីស្រឡាង ដែលជាអំណោយដ៏ថ្លៃថ្លារបស់ សម្តេចធិបតី
អ្នកវិភាគ និងអ្នកនយោបាយ ចំអកឱ្យទណ្ឌិត សម រង្ស៊ីថា មិនទាន់ស្គាល់ខ្នុរច្បាស់ផង បែរជាតាំងខ្លួនជាអ្នកជំនាញខាងកសិកម្ម
អភិបាលរាជធានី ណែនាំឱ្យដាក់មីក្រូតាមម៉ូតូកង់បី ស្រែកហាមឃាត់ មិនឱ្យដុតផាវ ក្នុងឱកាសបុណ្យចូលឆ្នាំចិន វៀតណាម
ប៉ូឡូញ បង្ហាញបំណងចង់បង្កើតរោងចក្រកែច្នៃចំណីអាហារនៅកម្ពុជា ដើម្បីផ្គត់ផ្គង់ទីផ្សារក្នុងតំបន់
នាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
ក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
របបខ្យល់មូសុងឦសានបានថយឥទ្ធិពល តែក៏នៅត្រជាក់ពី២០ទៅ១៩°C និងអាចមានភ្លៀងធ្លាក់៥%
ម៉ាត់ណាម៉ាត់ហ្នឹង! ត្រាំ ដាក់ទណ្ឌកម្មសេដ្ឋកិច្ចកូឡុំប៊ី ព្រោះមិនព្រមទទួលយកជនអន្តោប្រវេសន៍ទៅវិញ
ហ្សេលេនស្គី៖ លោក ត្រាំ មានចិត្តចង់បញ្ចប់សង្គ្រាម តែគាត់នៅខ្វះការយល់ដឹង
-
ចរាចរណ៍១ សប្តាហ៍ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
សន្តិសុខសង្គម១ សប្តាហ៍ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ១៦ ម៉ោង agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១៥ ម៉ោង agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានជាតិ២ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក