ព័ត៌មានជាតិ
លោកស្រី ជា សិរី ប្ដេជ្ញាបម្រើជាតិក្រោមការដឹកនាំរបស់ឯកឧត្ដម ហ៊ុន ម៉ាណែត
លោកស្រី ជា សិរី បានប្រកាសគាំទ្រចំពោះការដឹកនាំរបស់នាយករដ្ឋមន្ត្រីថ្មី គឺឯកឧត្តមបណ្ឌិត ហ៊ុន ម៉ាណែត ដោយលោកស្រីក៏បានប្ដេជ្ញាអនុវត្តតាមគោលនយោបាយរបស់រាជរដ្ឋាភិបាល។ ការប្រកាសនេះ បន្ទាប់ពីលោកស្រី ត្រូវបានព្រះមហាក្សត្រត្រាស់បង្គាប់តែងតាំងជាអគ្គទេសាភិបាលធនាគារជាតិនៃកម្ពុជា។

បើតាមព្រះរាជក្រឹត្យ ចុះថ្ងៃទី២៩ ខែកក្កដា ឆ្នាំ២០២៣ ព្រះមហាក្សត្រនៃកម្ពុជា បានត្រាស់បង្គាប់តែងតាំងលោកស្រី ជា សិរី ជាអគ្គទេសាភិបាលធនាគារជាតិនៃកម្ពុជា ដែលមានឋានៈស្មើទេសរដ្ឋមន្ត្រី ជំនួសលោក ជា ចាន់តូ។
ក្រោយទទួលបានការតែងតាំងនេះ លោកស្រី ជា សិរី បានបង្ហាញនូវការគោរពថ្លែងអំណរព្រះរាជគុណយ៉ាងខ្ពង់ខ្ពស់បំផុតថ្វាយព្រះករុណាព្រះមហាក្សត្រ ដែលបានប្រោសព្រះរាជទានតែងតាំងលោកស្រីជាអគ្គទេសាភិបាលធនាគារជាតិនៃកម្ពុជា។
ជាមួយគ្នានេះ តាមរយៈសំណេរនៅលើបណ្ដាញសង្គមហ្វេសប៊ុក នៅថ្ងៃទី៣១ ខែកក្កដានេះ លោកស្រីក៏បានថ្លែងអំណរគុណយ៉ាងជ្រាលជ្រៅចំពោះសម្ដេចតេជោ ហ៊ុន សែន ដែលបានផ្តល់សេចក្តីទុកចិត្ត និងស្នើតែងតាំងលោកស្រី ឱ្យកាន់មុខតំណែងដ៏សំខាន់មួយនេះ។ លោកស្រី បានចាត់ទុកថា នេះគឺជាគុណូបការៈដ៏ថ្លៃថ្លាខ្ពង់ខ្ពស់បំផុត និងមិនអាចកាត់ថ្លៃបានចំពោះលោកស្រី និងក្រុមគ្រួសារ។

ដើម្បីជាដឹងនូវគុណូបការៈនេះ លោកស្រី ជា សិរី បានប្តេជ្ញាខិតខំយកអស់កម្លាំងកាយចិត្ត និងប្រាជ្ញាស្មារតីក្នុងការអនុវត្តតាមគោលនយោបាយរបស់រាជរដ្ឋាភិបាលកម្ពុជា ជាពិសេស លោកស្រី ប្ដេជ្ញាចិត្តគាំទ្រយ៉ាងស្មោះស្ម័គ្រចំពោះការដឹកនាំរបស់នាយករដ្ឋមន្រ្តីថ្មី គឺឯកឧត្ដមបណ្ឌិត ហ៊ុន ម៉ាណែត ដើម្បីធានារក្សាឱ្យបានដាច់ខាតសន្តិភាព និងសមិទ្ធផលនានារបស់រាជរដ្ឋាភិបាល ក៏ដូចជាបន្តរួមចំណែកអភិវឌ្ឍន៍ជាតិមាតុភូមិកម្ពុជាឱ្យកាន់តែរុងរឿងបន្ថែមទៀត៕

-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?