ជីវិតកម្សាន្ដ

ក្រោយព្យាបាលរបួសបេះដូងរយៈពេលយូរ ពេលនេះ Bella ប្រកាសបើកបេះដូងវិញ

បានផុស

១ year មុន

នៅ

ថ្ងៃអង្គារ ១ សីហា ២០២៣

ដោយ

បន្ទាប់ពីប្រេះឆាស្នេហាខំសាងមកជាង៩ឆ្នាំជាមួយអតីតមិត្តប្រុស weir sukollawat តារាសម្ដែង Bella Ranee លែងខ្វល់រឿងស្នេហាបន្តទៀត ដោយផ្ដោតសំខាន់លើអាជីពសិល្បៈឲ្យរវល់កាន់តែខ្លាំងក្លាជាងមុនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញកាលពីថ្មីៗនេះ Bella បានទម្លាយពីស្ថានភាពពិតប្រាកដលើបណ្ដាញសង្គមផ្ទាល់ខ្លួន ដោយបញ្ជាក់ថានាងយល់ព្រមបើកបេះដូងស្វាគមន៍ស្នេហាថ្មី ឈប់ធ្វើខ្លួនតឹងរ៉ឹងជាមួយការងាររហូតភ្លេចដៃគូជីវិតហើយ។ ដំណឹងមួយនេះ បានធ្វើឲ្យមហាជនជាច្រើនបង្ហាញការសប្បាយចិត្តនិងគាំទ្រយ៉ាងពេញទំហឹងចំពោះការប្រកាសរបស់តួឯកស្រីក្នុងរឿង “បុព្វេសន្និវាស”គ្រប់ៗគ្នា។

តាមរយៈបណ្ដាញសង្គម តារាសម្ដែង Bella Ranee បានប្រកាសដំណឹងល្អដែលមនុស្សជាច្រើនទន្ទឹងរង់ចាំមកជាយូរ អំពីស្នេហាថ្មីរបស់នាងថា “ពេលនេះការថតរឿងហ្នឹងចប់ហើយ! ខ្ញុំត្រៀមបើកចិត្តទទួលស្នេហ៍ម្ដងទៀត។ ពីមុនជាមួយការងារ ដូច្នេះខ្ញុំមិនបានផ្តោតលើរឿងស្នេហាច្រើនទេ។ ពេលនេះរឿងនេះត្រូវបានបិទកាមេរ៉ា ហើយបើកបេះដូង។ ចំពោះបុរសណាដែលនឹងមកកាន់កាប់បេះដូងត្រូវតែធ្វើជាមនុស្សដែលងាយចូលទៅជិតគួរឲ្យស្រលាញ់ និងមានចរិតល្អនោះគឺគ្រប់គ្រាន់ហើយ”។

ក្រោយប្រកាសមិនប៉ុន្មានផងអ្នកគាំទ្រសម្រុកចូលទៅបញ្ចេញមតិល្អៗដោយក្នុងន័យចង់ឲ្យនាងបើកបេះដូងមកជាយូរហើយ។ ជាពិសេសបុរសៗបាននិយាយថាខ្លួនមានគុណសម្បត្តិគ្រប់គ្រាន់នឹងចូលក្នុងជីវិតរបស់ Bella បាន ខណៈអ្នកខ្លះក៏ព្រលយបន្ថែមថា ល្មមដល់ពេលរើសគូស្រករហើយ៕