ព័ត៌មានអន្ដរជាតិ

ខំសន្សំលុយពេញមួយឆ្នាំទៅកោះក្នុងក្ដីស្រមៃ បុរសម្នាក់បែរជួបរឿងស្មានមិនដល់នៅ វៀតណាម

បានផុស

១ year មុន

នៅ

ថ្ងៃអង្គារ ១ សីហា ២០២៣

ដោយ

បុរសម្នាក់បានបង្ហោះឃ្លិបពីដំណើរកម្សាន្តរបស់ខ្លួន ដោយប្រាប់ពីអារម្មណ៍ពិតថា លោកខំសន្សំលុយពេញមួយឆ្នាំទៅកោះ Phu Quoc ក្នុងក្ដីស្រមៃ តែបែរជួបស្ថានភាពមិននឹកស្មានដល់ ដែលធ្វើឲ្យអ្នកលេងអ៊ីនធឺណិតអាណិតផងអស់សំណើចផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Mr.HB បានបង្ហោះឃ្លិបបង្ហាញពីស្ថានភាពជាក់ស្តែង។ ពេលគាត់និងក្រុមគ្រួសារធ្វើដំណើរទៅកាន់កោះ Phu Quoc ប្រទេសវៀតណាម នៅខែកក្កដា ឆ្នាំ ២០២៣ ដោយកក់បន្ទប់សណ្ឋាគារដែលមានទិដ្ឋភាពដ៏អស្ចារ្យនៃអាងគ្មានដែនកំណត់ ខណៈអ្វីគ្រប់យ៉ាងដែលគាត់ចង់បានគឺប្រណីតនិងល្អឥតខ្ចោះ ដែលគាត់ខំសន្សំពេញមួយឆ្នាំ។

យ៉ាងណាមិញ ដោយសារតែលោកមិនបានដឹងពីស្ថានភាពអាកាសធាតុទុកមុន។ ទីបំផុតបុរសកំសត់រូបនេះបានចុះទឹកក្នុងអាងដោយមានភ្លៀងធ្លាក់ ខ្យល់បក់ខ្លាំង ហើយផ្ទៃមេឃប្រែពណ៌ប្រផេះពពកខ្មៅ កំឡុងពេលកោះ Phu Quoc មានព្យុះផ្គររន្ទះ។ ប៉ុន្តែគាត់នៅតែព្យាយាមរីករាយនឹងថ្ងៃឈប់សម្រាករបស់គាត់ ដោយការងូចទឹកនៅក្នុងអាង ទោះបីជាខ្យល់និងភ្លៀងព្យុះយ៉ាងណាក៏ដោយ។

នៅពេលដែលវីដេអូរបស់គាត់ត្រូវបានចែករំលែកនៅលើបណ្តាញសង្គមតាមរយៈ TikTok ភ្លាមៗនោះវាបានទាក់ទាញចំណាប់អារម្មណ៍ពីមនុស្សជាច្រើន។ អ្នកលេងអ៊ីនធឺណិតភាគច្រើនបានសម្ដែងការអាណិតអាសូរចំពោះស្ថានភាពនេះ ខណៈអ្នកខ្លះសើចទាំងទឹកភ្នែក ដែលលោកត្រូវជួបរឿងរ៉ាវបែបនេះ។ អ្នកខ្លះនិយាយថា នេះជាមេរៀនមួយគួរប្រុងប្រយ័ត្នក្នុងការធ្វើដំណើរបន្ទាប់របស់អ្នក ហើយកុំភ្លេចពិនិត្យមើលអាកាសធាតុផងមុនចេញដំណើរទៅកន្លែងណាមួយ៕