លោក ដូណាល់ ត្រាំ រងការចោទប្រកាន់ ៤ករណីទៀត

នៅថ្ងៃពុធទី២ខែសីហា អតីតប្រធានាធិបតីអាមេរិកលោក ដូណាល់ ត្រាំ ត្រូវបានគណៈវិនិច្ឆ័យសហព័ន្ធ ចោទប្រកាន់ទាក់ទងនឹងកិច្ចខិតខំប្រឹងប្រែងលុបចោលលទ្ធផលនៃការបោះឆ្នោតប្រធានាធិបតីឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេក្ខជនឈានមុខក្នុងការបោះឆ្នោតឆ្នាំ២០២៤ ខាងគណបក្សសាធារណរដ្ឋរូបនេះ ត្រូវប្រឈមមុខនឹងការចោទប្រកាន់ចំនួន៤ករណីដូចជា៖ សមគំនិតប្រព្រឹត្តអំពើទុច្ចរិត, សមគំនិត រារាំងដំណើរការនីតិវិធីផ្លូវការ, រារាំងនិងប៉ុនប៉ងរារាំងដំណើរការនីតិវិធីផ្លូវការ និងសមគំនិតប្រឆាំងសិទ្ធិ។

ការចោទប្រកាន់​នេះ ​ក៏​បូករួមទាំង​អ្នក​រួម​គំនិត​មិន​បញ្ចេញ​ឈ្មោះ​ចំនួន៦នាក់ផងដែរ ដោយ​ក្នុង​នោះ​មាន​មេធាវី៤នាក់ មន្ត្រី​ក្រសួង​យុត្តិធម៌​ម្នាក់ និង​ទីប្រឹក្សា​នយោបាយម្នាក់។

ឯកសារបានចោទប្រកាន់ថា តាមរយៈការផ្សព្វផ្សាយមិនពិត អំពីជ័យជម្នះរបស់គាត់ គឺបានបង្កើតបរិយាកាសជាតិដ៏ខ្លាំងក្លានៃភាពមិនទុកចិត្ត និងកំហឹង ហើយបំផ្លាញជំនឿសាធារណៈលើការគ្រប់គ្រងការបោះឆ្នោត។

គួរបញ្ជាក់ថា នេះមិនមែនជាលើកដំបូងឡើយ ដែលលោក ត្រាំ ត្រូវរងការចោទប្រកាន់ ពោលគឺអតីតប្រធានាធិបតីរូបនេះ ត្រូវបានចោទប្រកាន់ជាច្រើនករណីរួចមកហើយ ដោយក្នុងនោះ រួមទាំងការចោទប្រកាន់ថា គាត់មានកាន់កាប់ឯកសារសម្ងាត់ដ៏រសើប និងផ្តល់ប្រាក់បំបិទមាត់ដល់តារាអាសអាភាសទៀតផង។ 

ទោះបីជាយ៉ាងណាក៏ដោយ លោក Trump មិនសារភាពទោសកំហុសអ្វីឡើយ ចំពោះរាល់ការចោទប្រកាន់មកទល់ពេលនេះ ហើយនៅតែបន្តធ្វើយុទ្ធនាឃោសនាបោះឆ្នោត ខណៈការស្ទង់មតិបានបង្ហាញថា គាត់ជាបេក្ខជនឈានមុខ ស្ថិតនៅលើផ្លូវទទួលបានជ័យជម្នះ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ត្រាំ ម៉ៅភោជនីយដ្ឋាន ប៉ាវបាយមនុស្សគ្រប់គ្នា ក្រោយចេញពីតុលាការ