ជីវិតកម្សាន្ដ

រឿងក្តីលុយជាង ១ ម៉ឺនដុល្លារ សុខ រ៉ាស៊ី មានពន្លឺយុត្តិធម៌

បានផុស

១ year មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

លោក សុខ រ៉ាស៊ី ដែលជាពិធីករសម្បូរវោហារសព្ទ កន្លងមកធ្លាប់បានបញ្ជាក់ប្រាប់«កម្ពុជាថ្មី» ឱ្យដឹងថា ករណីបណ្ដឹងរបស់លោកពាក់ព័ន្ធរឿងលុយជាង ១ម៉ឺនដុល្លារ ចំពោះថៅកែផលិតកម្មមួយនោះមកដល់ពេលនេះ នៅមិនទាន់មានច្រកចេញ ឬដំណោះស្រាយ នៅឡើយទេ ខណៈពាក្យបណ្ដឹង លោក សុខ រ៉ាស៊ី បានដាក់ចូលទៅតុលាការរយៈពេលប្រមាណជា ១ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ អ្វីដែលជាការកត់សម្គាល់ ស្រាប់តែលោក សុខ រ៉ាស៊ី បានឱ្យដឹងនាមុននេះ ដោយក្តីសង្ឃឹមថា រឿងក្តីលុយជាង ១ម៉ឺនដុល្លារ របស់លោកអាចនឹងមានសង្ឃឹមនៃពន្លឺយុត្តិធម៌ឆាប់ៗ ក្រោយលោកបានជួបមេធាវីម្នាក់ គឺលោកអាំង សុវណ្ណារ៉ា។ លោក សុខ រ៉ាស៊ី បានបញ្ជាក់ថា“ឥឡូវមានពន្លឺហើយសង្ឃឹមថាយុត្តិធម៌អាចមានចំពោះខ្ញុំ និងជនរងគ្រោះជាច្រើន”។

ពិធីករ សុខ រ៉ាស៊ី បាននិយាយថា «អរគុណលោកមេធាវីបានជួយដោយសន្តានចិត្ត និងទឹកចិត្តខ្មែរជួយជនរងគ្រោះខ្មែរ ដែលខ្ញុំខំរកជាង ២ឆ្នាំមកហើយ ខ្ញុំខំរងចាំ អ្នកដែលជួយរឿងក្តីខ្ញុំដោយចេញពីចិត្ត។ រឿងគេជំពាក់ជាង ១ម៉ឺនដុល្លារ ឥឡូវមានពន្លឺហើយ សង្ឃឹមថា យុត្តិធម៌អាចមានចំពោះខ្ញុំ និងជនរងគ្រោះជាច្រើន។ អគុណលោកមេធាវី អាំង សុវណ្ណារ៉ា បេះដូងអ្នកស្រលាញ់យុត្តិធម៌»។

សូមរម្លឹកដែរថា ដោយសារតែរឿងក្តីលោកហាក់ស្ងប់ ស្ងាត់ជារឿយៗ លោក សុខ រ៉ាស៊ី បានចេញមុខស្នើ និងអំពាវនាវយ៉ាងទទូចដល់ប្រព័ន្ធច្បាប់ឱ្យជួយរកយុត្តិធម៌ និងពន្លឿនរឿងក្តីនេះដើម្បីស្វែងរកយុត្តិធម៌ចំពោះជនរងគ្រោះ ដូចជារូបលោកផ្ទាល់។ ព្រោះនាពេលកន្លងមក ជុំវិញរឿងរ៉ាវនេះ សំណងក៏លោកនៅមិនទាន់ទទួលបានសូម្បីតែ ១០០លុយខ្មែរ ហើយខាងតុលាការបានទុកពេលឱ្យសម្រុះសម្រួលគ្នាក្រៅផ្លូវច្បាប់សិន តែមេធាវីរបស់ភាគីម្ខាងទៀតក៏ព្យាយាមចរចាដែរ ប៉ុន្តែក្រោយការចរចាហើយ នៅតែមិនព្រមផ្ដល់សំណង ឬសង់លុយឱ្យលោកនោះទេ៕

អត្ថបទ៖ ចាន់រ៉ា