សន្តិសុខសង្គម

អគ្គិភ័យឆាបឆេះអគារសណ្ឋាគារមួយនៅប៉ោយប៉ែត សំណាងសមត្ថកិច្ចអន្តរាគមន៍ជួយពន្លត់ទាន់

បានផុស

១ year មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

ប៉ោយប៉ែត ៖ អគ្គិភ័យឆាបឆេះបន្ទប់សណ្ឋាគារអន្តរជាតិ ដែលមានកម្ពស់ជាង១០ជាន់ និងមានជនជាតិចិនស្នាក់នៅច្រើន ដែលមានទីតាំងស្ថិតនៅតាមផ្លូវដើមពុទ្រា ក្នុងភូមិក្បាល់ស្ពានមួយ សង្កាត់អូរជ្រៅ ក្រុងប៉ោយប៉ែតខេត្តបន្ទាយមានជ័យ កាលពីរសៀលម៉ោង៥និង៤០នាទី ថ្ងៃទី០៣ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍បង្កការភ្ញាក់ផ្អើលដល់ពលរដ្ឋនឹកស្មានថា នឹងដូចកាលឆេះអគារកាស៊ីណូកាលពីចុងឆ្នាំទៅ។ តែមិនបានមួយម៉ោងផងត្រូវបានគ្រប់គ្រងបានទាន់ពេលមិនឱ្យឆេះខ្លាំងរាល់ដល់អគារផ្សេងៗ។

ក្រៅពីបង្កការភ្ញាក់ផ្អើលដល់ពលរដ្ឋបានធ្វើឱ្យអ្នកស្នាក់នៅក្នុងសណ្ឋាគារខាងលើភ័យខ្លះលោតទម្លាក់ខ្លួនពីលើអគារមកក្រោម ខ្លះរត់ចេញមកក្រៅបណ្តាលឱ្យរងរបួសធ្ងន់ស្រាលជាច្រើននាក់។

តាមការឱ្យដឹងពីលោកវរសេនីយ៍ឯក សៅ សារឿន អធិការនគរបាលក្រុងប៉ោយបោះប៉ែតបានប្រាប់អ្នកព័ត៌មានដឹងថា ក្រោយពីកើតហេតុការណ៍ភ្លាមមន្ត្រីអាជ្ញាធរដែន សមត្ថកិច្ចកងកម្លាំងនគរបាល កងរាជអាវុធហត្ថ កងទ័ព សន្តិសុខសណ្ឋាគារ ប្រជាការពារនិងពលរដ្ឋបានអន្តរាគមន៍ពន្លត់ និងសង្គ្រោះមនុស្សចេញពីអគារដើម្បីកុំមានរងគ្រោះ។

លោកបានបន្តទៀតថា ចំពោះមូលហេតុនិងនៃការខូចខាត មិនទាន់ដឹងនៅឡើយទេ។ ប៉ុន្តែកម្លាំងចម្រុះបានគ្រប់គ្រង់ស្ថានការណ៍ បានមិនឱ្យភ្លើងឆេះរាលដាលបន្តទេ។

អ្នកឃើញហេតុការណ៍ខ្លះនិយាយថា មានជនរងគ្រោះ(ជនជាតិចិន)មួយចំនួនបានរងរបួស សន្លប់និងរលាកដោយសារបានរងការប៉ះពាល់នឹងភ្លើង និងបានហើយលោតទម្លាក់ខ្លួនចុះពីបន្ទប់នៅខ្ពស់ៗធ្លាក់មកលើដំបូលអគារ ឬផ្ទះនៅជាប់គ្នានោះ៕

ដោយ ៖ អពៅ