សន្តិសុខសង្គម

មន្ត្រីជំនាញ ដកហូតទំនិញខូចគុណភាព បំពានសិទ្ធិផ្ដាច់មុខ ជាង ១០០ គីឡូក្រាម នៅរាជធានី-ខេត្ត ចំនួនបី

បានផុស

១ year មុន

នៅ

ថ្ងៃសុក្រ ៤ សីហា ២០២៣

ដោយ

នៅថ្ងៃទី ០៣-០៤ ខែសីហា ឆ្នាំ ២០២៣ នេះ មន្ត្រីជំនាញ ក.ប.ប រកឃើញ និងដកហូតទំនិញខូចគុណភាព បំពានសិទ្ធិផ្ដាច់មុខ និងមិនមានអនុលោមភាពតាមបទប្បញ្ញត្តិជាធរមានចំនួន ជាង ១០០ គីឡូក្រាម ក្នុងរាជធានី-ខេត្ត ចំនួនបី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចជំនាញ ក.ប.ប អនុវត្តច្បាប់លើធុរកិច្ចជនដែលមិនសុចរិត ក្រោយរកឃើញទំនិញខូចគុណភាព បំពានសិទ្ធិផ្ដាច់មុខ និងមិនមានអនុលោមភាពតាមបទប្បញ្ញត្តិជាធរមាន ចំនួន ១១៩.៨៥ គីឡូក្រាម។

ការរកឃើញទំនិញ និងឈានដល់ការអនុវត្តច្បាប់នេះ ធ្វើឡើងតាមរយៈសកម្មភាពត្រួតពិនិត្យទំនិញនៅតាមឃ្លាំងស្តុក ផ្ទះលក់ និងចែកចាយទំនិញ និងទីផ្សារសំខាន់ៗ ជាច្រើន នាថ្ងៃទី ០៣-០៤ ខែសីហា ឆ្នាំ ២០២៣ ស្ថិតក្នុងរាជធានី-ខេត្ត ចំនួនបី គឺ ខេត្តព្រះសីហនុ ខេត្តកំពង់ស្ពឺ និងរាជធានីភ្នំពេញ។

សមត្ថកិច្ចជំនាញ ធ្វើការត្រួតពិនិត្យដើម្បីធានាការពារសិទ្ធិអ្នកប្រើប្រាស់ ការពារផលប្រយោជន៍ធុរកិច្ចជនដែលស្មោះត្រង់តាមរយៈការប្រកួតប្រជែងដោយស្មើភាព អនុលោមភាពតាមច្បាប់ និងការពារសុខុមាលភាពប្រជាពលរដ្ឋ៕

អត្ថបទ ៖ ពិសី