ព័ត៌មានអន្ដរជាតិ

កម្ពុជា ស្ថិតក្នុងចំណោមប្រទេស ១៤ លើពិភពលោកផ្សេងទៀតមានសិទ្ធិដាក់ឈ្មោះព្យុះ

បានផុស

១ year មុន

នៅ

ថ្ងៃសៅរ៍ ៥ សីហា ២០២៣

ដោយ

ក្នុងរយៈពេលប៉ុន្មានថ្ងៃកន្លងមកនេះ សារព័ត៌មានធំៗបានចុះផ្សាយពីហេតុការណ៍នៃព្យុះទីហ្វុង Khanun ដែលគេរំពឹងថានឹងទៅដល់ប្រទេសចិន ហើយបង្វែរទិស ១៨០ ដឺក្រេនៅប្រទេសជប៉ុនជំនួសវិញ។ ប៉ុន្តែអ្នកអានមួយចំនួនប្រហែលជាឆ្ងល់ថា ហេតុអ្វីបានជាព្យុះត្រូវដាក់តាមប្រទេសនីមួយៗទៅវិញ? ហើយតើប្រទេសណាខ្លះលើពិភពលោក មានសិទ្ធដាក់ឈ្មោះព្យុះបាន?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅ ព្យុះនេះចែកចេញជា ៣កម្រិត ទៅតាមល្បឿនខ្យល់៖ កម្លាំងខ្យល់បក់ (រហូតដល់ ៦២ គីឡូម៉ែត្រក្នុងមួយម៉ោង) ព្យុះត្រូពិច (៦៣-១១៨ គីឡូម៉ែត្រក្នុងមួយម៉ោង) និងព្យុះស៊ីក្លូនត្រូពិច (ពី ១១៩ គីឡូម៉ែត្រក្នុងមួយម៉ោង) ។ ជាមួយនឹងព្យុះស៊ីក្លូនត្រូពិច មានឈ្មោះផ្សេងៗគ្នា អាស្រ័យលើប្រភពដើម។ ប្រសិនបើវាកើតឡើងនៅមហាសមុទ្រប៉ាស៊ីហ្វិកខាងលិច វាត្រូវបានគេហៅថាព្យុះទីហ្វុង។

ចំណែកឯប្រទេសដែលមានសិទ្ធិដាក់ឈ្មោះព្យុះ ត្រូវតែជាសមាជិកនៃគណៈកម្មាធិការព្យុះទីហ្វុងរបស់អង្គការឧតុនិយមពិភពលោក (ESCAP/WMO Typhoon Committee) ដែលបច្ចុប្បន្នមាន១៤ ត្រូវបានចុះបញ្ជីដូចខាងក្រោម៖

១ កម្ពុជា

២ ចិន

៣ កូរ៉េខាងជើង

៤ ហុងកុង

៥ ជប៉ុន

៦ ឡាវ

៧ ម៉ាកាវ

៨ ម៉ាឡេស៊ី

៩ មីក្រូនេស៊ី

១០ ហ្វីលីពីន

១១ កូរ៉េខាងត្បូង

១២ ថៃ

១៣ សហរដ្ឋអាមេរិក

១៤ វៀតណាម។

បញ្ជីឈ្មោះសម្រាប់ព្យុះស៊ីក្លូនត្រូពិចដែលត្រូវបានអនុម័តដោយគណៈកម្មាធិការព្យុះទីហ្វុង ESCAP/WMO សម្រាប់ភាគខាងលិចប៉ាស៊ីហ្វិកខាងជើង និងសមុទ្រចិនខាងត្បូង

ប្រទេសនីមួយៗនឹងផ្ញើឈ្មោះចំនួន ១០ដែលត្រូវបានប្រើសម្រាប់ដាក់ឈ្មោះព្យុះដែលមានកម្រិតខ្លាំងចាប់ពីព្យុះត្រូពិចដែលតម្រៀបតាមឈ្មោះប្រទេស។ ចាប់ផ្តើមមុនគេបង្អស់គឺប្រទេសកម្ពុជា ហើយបន្ទាប់មកទៀតគឺចិន, កូរ៉េខាងជើង, ហុងកុង ទៅវៀតណាម ដោយវដ្តនេះបន្តរហូតដល់១៤០ឈ្មោះ។ ប៉ុន្តែបើអស់ឈ្មោះ១៤០នេះ វានឹងត្រឡប់មកឈ្មោះដំបូងរបស់កម្ពុជាម្តងទៀត។

យ៉ាងណាមិញ ប្រសិនបើព្យុះនេះបង្កការខូចខាតយ៉ាងធ្ងន់ធ្ងរដូចជាមនុស្សស្លាប់ជាច្រើននាក់។ ប្រទេសដើមអាចស្នើសុំឲ្យលុបឈ្មោះព្យុះចេញពីការប្រើប្រាស់នាពេលអនាគតផងដែរ៕