ព័ត៌មានជាតិ
រដ្ឋមន្រ្តីពិចារណាយកផ្លូវវាងត្រង់ចំណុចបាក់ស្រុតប្រើប្រាស់ជាផ្លូវការ ជំនួសគន្លងផ្លូវចាស់
ខណៈដែលផ្លូវវាងលើកំណាត់ផ្លូវជាតិលេខ ៧៦ ក្នុងខេត្តមណ្ឌលគិរីដែលបាក់ស្រុតត្រូវបានកំពុងជួសជុលដាក់ឲ្យប្រើប្រាស់បណ្តោះអាសន្ន រដ្ឋមន្រ្តីក្រសួងសាធារណការក៏ពិចារណាលើការប្រើប្រាស់ផ្លូវវាងជំនួសគន្លងផ្លូវចាស់ប៉ុន្តែត្រូវសិក្សាលក្ខណៈបច្ចេកទេសនិងតម្លៃជួសជុលសិន។
ក្នុងពេលចុះពិនិត្យការខូចខាតកំណាត់ផ្លូវជាតិលេខ ៧៦ ដែលបាក់ស្រុតនៅរសៀលថ្ងៃនេះ លោក ស៊ុន ចាន់ថុល រដ្ឋមន្រ្តីក្រសួងសាធារណការបានអះអាងថា ក្រសួងកំពុងពិនិត្យលទ្ធភាពលើការយកផ្លូវវាងជំនួសគន្លងផ្លូវចាស់ដែលបានបាក់ស្រុក តែត្រូវសិក្សាពីលក្ខខណៈបច្ចេកទេសនិងតម្លៃសាងសង់សិន។
លោកបញ្ជាក់ថា បន្ទាប់ពីការពិនិត្យស្ថានភាពជាក់ស្តែង កំណាត់ផ្លូវនេះអាចនឹងត្រូវសិក្សាលើកគម្រោងជួសជុល ដោយមានពីរជម្រើសគឺ៖ (១) ជួសជុលឡើងវិញលើគន្លងផ្លូវចាស់ និង (២) សិក្សាពិនិត្យលទ្ធភាពសាងសង់លើគន្លងផ្លូវវាងថ្មីនេះតែម្តង។ ជម្រើសក្នុងការជួសជុល នឹងពិនិត្យសម្រេច បន្ទាប់ពីឆ្លងកាត់ការពិភាក្សាលម្អិត និងស៊ីជម្រៅ ទាំងផ្នែកបច្ចេកទេសពាក់ព័ន្ធ និងផ្នែកហិរញ្ញវត្ថុ។
លោករដ្ឋមន្រ្តីបានវាយតម្លៃថា កំណាត់ផ្លូវដែលបាក់ស្រុតមានទំហំធំ ហើយត្រូវការចំណាយជួសជុលច្រើន។ ខណៈផ្លូវវាងដែលបានជួសជុលប្រើប្រាស់បណ្តោះអាសន្ន បើមានលក្ខណៈបច្ចេកទេសសមស្របអាចនឹងគិតគូរយកមកប្រើប្រាស់ជំនួសគន្លងផ្លូវចាស់ដែលបាក់ស្រុតតែម្តង។
ដោយឡែកជុំវិញមូលហេតុនៃការរអិលបាក់ស្រុតដី បើតាមលោករដ្ឋមន្រ្តីគឺបណ្តាលមកពីកត្តាភ្លៀងធ្លាក់ជាប់ៗគ្នាច្រើន ដែលនាំឱ្យមានទឹកហូរច្រោះដាច់ដីខាងក្រោមផ្លូវ។
ទាក់ទងកំណាត់ផ្លូវជាតិលេខ ៧៦ លោករដ្ឋមន្ត្រីបានវាយតម្លៃថានៅតែមានគុណភាពអាចប្រើប្រាស់បាន ខណៈផ្លូវនេះបានបើកការដ្ឋានសាងសង់តាំងពីឆ្នាំ ២០០៨ និងសម្ពោធប្រើប្រាស់នៅឆ្នាំ ២០១២។
បើតាមលក្ខណៈបច្ចេកទេសផ្លូវប្រភេទ DBST មានអាយុកាលប្រើប្រាស់ត្រឹម ៧ ទៅ ៨ ឆ្នាំ តែផ្លូវជាតិលេខ ៧៦ នៅតែមានគុណភាពអាចធានាការប្រើប្រាស់តទៅមុខទៀតបាន។ យ៉ាងណាមិញ លោករដ្ឋមន្រ្តីបានបន្ថែមថា ដើម្បីឲ្យកំណាត់ផ្លូវនេះនៅតែអាចប្រើប្រាស់ល្អប្រសើរក៏ត្រូវការថវិកាបន្ថែមលើការថែទាំ ដើម្បីធានាការប្រើប្រាស់រាប់សិបឆ្នាំទៀត។
ផ្លូវជាតិលេខ ៧៦ (ស្នួល-សែនមនោរម្យ) មានប្រវែង ១២៧ គ.ម ជាប្រភេទផ្លូវ DBST បានចាប់ផ្ដើមការស្ថាបនានៅក្នុងខែកុម្ភៈឆ្នាំ២០០៧ និងបញ្ចប់ការស្ថាបនានៅក្នុងខែមីនា ឆ្នាំ២០១១ ដោយក្រុមហ៊ុន CRBC ចំណាយថវិកាសាងសង់ចំនួន ៥១ ៩០០ ០០០ ដុល្លារអាមេរិក។ ផ្លូវនេះបានសម្ពោធបើកឱ្យប្រើប្រាស់ជាផ្លូវការនៅថ្ងៃទី៣១ ខែមករា ឆ្នាំ២០១២។
គិតចាប់ពីពេលស្ថាបនារួចមកមានរយៈពេលជាង ១២ ឆ្នាំ ផ្លូវជាតិលេខ ៧៦ នេះ មិនធ្លាប់មានការខូចខាតដែលតម្រូវឱ្យមានការជួសជុលម្តងណាទេ ហើយតែងតែទទួលបានការថែទាំជាប្រចាំរហូតមក។ ដោយឡែកនៅយប់ថ្ងៃទី ០១ សីហា ២០២៣ កំណាត់ផ្លូវជាតិខាងលើនៅត្រង់ចំណុចអូរងើយ ស្ថិតក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង នៃខេត្តមណ្ឌលគិរី ត្រូវបានផ្អាកចរាចរណ៍ជាបណ្តោះអាសន្ន ដោយសារការរអិលបាក់ដីចន្លោះ PK94+080 – PK94+150 និងបន្តមានស្នាមប្រេះបន្ថែមនៅថ្ងៃបន្ទាប់ ដែលសរុបការខូចខាតមានប្រវែង ១៦៦ ម៉ែត្រ (រអិលបាក់ដី ៧០ ម និងស្នាមប្រេះ ៩៦ ម)។
យ៉ាងណាអាជ្ញាធរបានស្ថាបនាផ្លូវវាងត្រង់ចំណុចបាក់ស្រុត និងគិតត្រឹមថ្ងៃទី ០៨ សីហានេះ បានបើកឱ្យចរាចរណ៍ឆ្លងកាត់ជាបណ្តោះអាសន្ន៕
ថៃ ប្រកាសបិទសាលារៀនជិត២០០កន្លែងចាប់ពី១ថ្ងៃដល់១សប្ដាហ៍ ព្រោះខ្យល់ពុល
ឥណ្ឌូណេស៊ី៖ ការប្ដេជ្ញាវិនិយោគរបស់ Apple មានត្រឹម ២០០ លានដុល្លារ ប៉ុណ្ណោះ មិនមែន ១ ប៊ីលានដុល្លារទេ
ប្រធានតុលាការភ្នំពេញឱ្យបន្តពន្លឿនចាត់ការរឿងក្ដីគ្រឿងញៀន ចរាចរណ៍ ក្មេងទំនើង និងអត្រានុកូលដ្ឋាន
រដ្ឋបាលខេត្តមណ្ឌលគិរី បើកសន្និបាតបូកសរុបលទ្ធផលការងារ និងលើកទិសដៅបន្តដើម្បីការងារកាន់តែល្អប្រសើរ
ខេត្តថៃចំនួន៤៤ នៅតែគ្របដណ្តប់ដោយខ្យល់ពុលដ៏គ្រោះថ្នាក់
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ហ្សេលេនស្គី៖ អ៊ុយក្រែនត្រូវការកងរក្សាសន្តិភាពហោចណាស់ ២០ម៉ឺននាក់ បើមានបទឈប់បាញ់
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
ប៉ាណាម៉ា ប្តឹងទៅ UN រឿងលោក ត្រាំ គំរាមគ្រប់គ្រងព្រែកជីក
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់