ព័ត៌មានជាតិ

នៅសល់៣ថ្ងៃទៀតមន្ត្រីពន្ធដារនឹងចុះផាកពិន័យរថយន្តមិនទាន់បង់ពន្ធប្រចាំឆ្នាំ២០២០

បានផុស

៤ years មុន

នៅ

ថ្ងៃសុក្រ ២៩ មករា ២០២១

ដោយ

នៅសល់តែ៣ថ្ងៃទៀតប៉ុណ្ណោះមន្ត្រីពន្ធដារសហការជាមួយអាជ្ញាធរមានសមត្ថកិច្ចថ្នាក់ក្រោមជាតិនឹងចុះនៅតាមកំណាត់ផ្លូវជាតិសំខាន់ៗនៅទូទាំងប្រទេស ធ្វើការផាកពិន័យចំពោះមធ្យោបាយដឹក ជញ្ជូននិងយានជំនិះគ្រប់ប្រភេទទាំងឡាយណា ដែលនៅមិនទាន់បានបង់ពន្ធប្រចាំឆ្នាំ២០២០។

អគ្គនាយកដ្ឋានពន្ធដារបានប្រកាសរួចហើយថា នឹងចុះត្រួតពិនិត្យការប្រកាសបង់ពន្ធលើមធ្យោ បាយដឹកជញ្ជូននិងយានជំនិះគ្រប់ប្រភេទ ប្រចាំឆ្នាំ២០២០ ចាប់ពីថ្ងៃទី០១ ខែកុម្ភៈ ឆ្នាំ២០២១ខាង មុខនេះតទៅ បន្ទាប់ពីកាលបរិច្ឆេទនៃការប្រមូលពន្ធប្រចាំឆ្នាំ២០២០ត្រូវបានបិទបញ្ចប់ជាស្ថាពរ នៅថ្ងៃទី៣០ ខែវិច្ឆិកា ឆ្នាំ២០២០កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ អគ្គនាយកដ្ឋានពន្ធដារបានណែនាំដល់ម្ចាស់យានយន្តដែលខកខានមិនបានប្រ កាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទប្រចាំឆ្នាំ២០២០កន្លងទៅ រួសរាន់ទៅប្រកាសបង់ពន្ធឲ្យបានគ្រប់គ្នាៗ និងបានទាន់ពេលវេលាដើម្បីចៀសវាងនូវក្រុមការងារចម្រុះធ្វើការឃាត់យានយន្តតាមដងផ្លូវតម្រូវឲ្យបង់ប្រាក់ពន្ធដែលនាំឱ្យខកខានពេលវេលានិងកកស្ទះចរា ចរណ៍ធ្វើដំណើរដែលអាចកើតមានបាតុភាពអសកម្មដោយប្រការណាមួយជាយថាហេតុ។

គួរបញ្ជាក់ថា ម្ចាស់យានយន្ដនិងយានជំនិះគ្រប់ប្រភេទអាចទៅប្រកាសបង់ពន្ធ និងបង់ប្រាក់ពិន័យតាមច្បាប់ជាធរមាននៅអគ្គនាយកដ្ឋានពន្ធដារ ឬនៅតាមសាខាពន្ធដារខេត្តខណ្ឌ ឬនៅសាខាធនា គារកាណាឌីយ៉ា ធនាគារអេស៊ីលីដាធនាគារវឌ្ឍនៈ ធនាគារកម្ពុជាសាធារណៈសាខាធនាគារជេត្រាស់រ៉ូយ៉ាល់និងសាខាធនាគារស្ថាបនាភីអិលស៊ី៕

អត្ថបទ ៖ សំអឿន

Related Topics:អគ្គនាយកដ្ឋានពន្ធដារ