ម៉ាស៊ូតបន្តឡើងថ្លៃខ្ពស់ ខណៈសាំងរក្សាតម្លៃដដែល នៅក្នុងសប្តាហ៍ទី២នេះ

នៅក្នុងសប្តាហ៍ទី២ ខែ សីហានេះ តម្លៃប្រេងម៉ាស៊ូតហក់ឡើងខ្ពស់រហូតដល់ ៤៧០០រៀល ខណៈសាំង​បន្តរក្សា​តម្លៃដដែល ៤៥៥០រៀល ក្នុងមួយលីត្រ ដោយតម្លៃនេះ អនុវត្តចាប់ពីថ្ងៃទី១១-២០ សីហា ឆ្នាំ ២០២៣។ មានន័យថា ប្រេងម៉ាស៊ូតឡើងថ្លៃ ២៥០ រៀល បើធៀបនឹងសប្តាហ៍មុន។ នេះបើតាមប្រកាសរបស់ក្រសួងពាណិជ្ជកម្ម។

សូមបញ្ជាក់ថា បច្ចុប្បន្ន​នេះប្រេងឥន្ធនៈដែលកម្ពុជាប្រើប្រាស់ គឺបាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។

ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ​ប្រួលថ្លៃប្រេងឥន្ធនៈនៅលើសកលលោក៕