ព័ត៌មានអន្ដរជាតិ

បុត្រាស្ដេចថៃដែលទើបយាងចូលប្រទេស មានបន្ទូលពាក់ព័ន្ធនឹងគេចោទទ្រង់ថា យាងជួបជាមួយបក្សភឿថៃ

បានផុស

២ years មុន

នៅ

ថ្ងៃសុក្រ ១១ សីហា ២០២៣

ដោយ

ការយាងត្រលប់ចូលប្រទេសថៃរបស់បុត្រា Vacharaesorn Vivacharawongse បានធ្វើឲ្យប្រជាជនក្នុងប្រទេសមានការភ្ញាក់ផ្អើលយ៉ាងខ្លាំង ជាពិសេសប្រព័ន្ធផ្សព្វផ្សាយធំៗ សុទ្ធតែនឹកស្មានមិនដល់នឹងការបង្ហាញវត្តមានរបស់ទ្រង់លើទឹកដីកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ការវិលមកវិញរបស់ទ្រង់ក៏បានបញ្ជាក់ឲ្យដឹងថា គ្រាន់តែក្នុងគោលបំណងធម្មតាប៉ុណ្ណោះ! ខណៈដែលកាលពេលថ្មីៗនេះ លោក somsak jeamteerasakul បានសរសេរលើបណ្ដាញអ៊ីនធឺណិតថា “ថ្ងៃនេះបុត្រា Watcharesorn Wiwatcharawong មានកម្មវិធីជួបជុំញ៉ាំអាហារជាមួយមនុស្សក្នុងគណបក្សភឿថៃ នៃតំបន់ Sukhumvit” ។

ភ្លាមៗនោះដែរ បុត្រច្បងទីពីររបស់ព្រះមហាក្សត្រ Maha Vajiralongorn ស្រាប់តែប្រតិកម្មតបតទៅកាន់លោកភ្លាមៗដោយឥតបង្អង់យូរថា “ខ្ញុំត្រូវតែសុំទោស! វាមិនពិតទាល់តែសោះ។ ខ្ញុំមិនពាក់ព័ន្ធនឹងរឿងនយោបាយទេ”។

ក្រោយមក លោក somsak jeamteerasakul បានបង្ហោះសារសុំទោស បន្ទាប់ពីបុត្រាអង្គនេះប្រកែកថាទ្រង់មិនបានជួបជុំគ្នាទទួលទានអាហារជាមួយគណបក្សភឿថៃ ដូចដែលគេចោទទ្រង់ឡើយ។ ហើយប្រជាជនក៏សុទ្ធតែដឹងថាដំណើរយាងមកដល់ទឹកដីកំណើតរបស់ទ្រង់គឺដោយសារតែនឹករលឹកនិងចង់ស្វែងយល់បន្ថែមអំពីវប្បធម៌ និងបន្តផ្សព្វផ្សាយនៅបរទេសតែប៉ុណ្ណោះ៕