ព័ត៌មានអន្ដរជាតិ
វីដេអូរន្ធត់ បង្ហាញឲ្យឃើញ មនុស្សនាំគ្នាចុះទឹក ដើម្បីគេចពីភ្លើងឆេះព្រៃដ៏សាហាវ នៅ ហាវ៉ៃ
វីដេអូថ្មីដ៏គួរឲ្យរន្ធត់ បានបង្ហាញពីអ្នកកោះហាវ៉ៃរាប់សិបនាក់ កំពុងហែលប្រវេប្រវា បន្ទាប់ពីលោតចូលទឹក ដើម្បីគេចពីភ្លើងឆេះព្រៃដ៏មហន្តរាយ ដែលបានឆាបឆេះទីក្រុង Lahaina កាលពីដើមសប្តាហ៍នេះ។
អគ្គិភ័យបានចាប់ផ្តើមកាលពីថ្ងៃអង្គារ ទី៨ ខែសីហា ហើយរាលដាលយ៉ាងឆាប់រហ័ស និងសាហាវ ខណៈខ្យល់ខ្លាំង លក្ខខណ្ឌអាកាសធាតុស្ងួត និងសំណើមទាប ធ្វើឲ្យអណ្តាតភ្លើងកាន់តែធ្ងន់ធ្ងរ ។
ទន្ទឹមនោះ គិតត្រឹមយប់ថ្ងៃសុក្រ ទី១១ ខែសីហា (ពេលវេលានៅកម្ពុជា) មនុស្សចំនួន ៦៧នាក់ ត្រូវបានគេបញ្ជាក់ថា បាត់បង់ជីវិត ហើយ ១០០០ នាក់ នៅតែបាត់ខ្លួនក្នុងរយៈពេល ៣ ថ្ងៃនៃគ្រោះអគ្គិភ័យនេះ ។
ពាក់ព័ន្ធនឹងបញ្ហានេះដែរ បេសកកម្មស្វែងរក និងជួយសង្គ្រោះទ្រង់ទ្រាយធំ កំពុងដំណើរការ ហើយសត្វឆ្កែហិតក្លិន ក៏ត្រូវបានបញ្ជូនទៅទីនោះផងដែរ ដើម្បីជួយស្វែងរកសាកសពក្នុងចំណោមសំណង់ដែលឆេះខ្ទេចខ្ទី។
ក្នុងសន្និសីទសារព័ត៌មានមួយ អភិបាលរដ្ឋហាវ៉ៃ បានហៅភ្លើងឆេះព្រៃនេះថាជា គ្រោះមហន្តរាយធម្មជាតិធំបំផុតនៅក្នុងប្រវត្តិសាស្ត្ររដ្ឋ ហើយនិយាយថា ៨០% នៃទីក្រុងប្រវត្តិសាស្ត្រ Lahaina ត្រូវដុតកម្ទេច។
លើសពីនេះ អ្នកទេសចររាប់ម៉ឺននាក់ ត្រូវបានជម្លៀសចេញ ហើយមនុស្ស ១១០០០ នាក់ គ្មានអគ្គិសនីប្រើប្រាស់ ខណៈលោកប្រធានាធិបតី ចូ បៃដិន បានប្រកាសភ្លើងឆេះព្រៃនេះ ជាគ្រោះមហន្តរាយដ៏ធំមួយ ហើយរដ្ឋាភិបាលសហព័ន្ធនឹងផ្តល់មូលនិធិសង្គ្រោះ និងស្តារឡើងវិញនៅតំបន់ភ្លើងឆេះព្រៃនេះផងដែរ ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ក្រៅពីមនុស្សស្លាប់៥៣នាក់ មាន១០០០នាក់ទៀត កំពុងបាត់ខ្លួនដោយសារភ្លើងឆេះព្រៃ នៅ ហាវ៉ៃ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា